गणरायाने आणला मंद्रूप पोलिसांमध्ये जोष !
25 वर्षानंतर प्रथमच मंद्रूप पोलीस ठाणे येथे गणेशोत्सव साजरा
सोलापूर:
महिन्यापूर्वी मंद्रूप पोलीस स्टेशनचा पदभार स्वीकारल्यानंतर उपविभागीय पोलीस अधिकारी गणेश शिंदे यांनी अवैद्य धंद्यावर कारवाई सुरू केल्याने मंद्रूप पोलिस ठाणे परिसरात कायदा व सुव्यवस्थेचे राज्य दिसत
आहे. त्यांनी पोलीस अधिकाऱ्यांच्या सहकार्याने प्रथमच 25 वर्षानंतर मंद्रूप पोलीस ठाणे येथे गणरायाची प्रतिष्ठापना केली. दररोज पूजा आरती करण्यात आल्यानंतर अनंत चतुर्दशी दिवशी लाडक्या गणरायाला भावपूर्ण निरोप देताना सर्व अधिकारी व कर्मचाऱ्यांनी हलगी ताशाच्या तालावर मनमुराद नृत्य केले. पोलीस अधिकारी व कर्मचारी तसेच गृहरक्षक दलाचे सर्व कर्मचारी यांनी गणरायासमोर हलगी व ताशाच्या तालावर पारंपरिक नृत्य केला. गणरायासमोर कोणतेही पद व प्रतिष्ठा न मानता सर्व अधिकाऱ्यांनी नृत्याचा मनमुराद आनंद घेतला.
गणेशोत्सवाचा थाट आणि त्यात हलगी-ताशाचा कडकडाट म्हटल्यावर पाय आपोआप थिरकायला लागतात. नेमका असाच एक प्रकार मंद्रूप पोलीस ठाण्यात शुक्रवारी सकाळी दिसून आला
. सकाळच्या सत्रात सर्व अधिकारी व कर्मचाऱ्यांचे हजेरी झाल्यानंतर अचानक पोलीस उपविभागीय अधिकारी गणेश शिंदे यांनी गणरायाचे मिरवणूक काढण्याचे ठरविले . त्यानुसार गावातील हलगी व ताशा मागवण्यात आले. यावेळी गणरायासमोर नृत्य करून
डॉल्बी विना मिरवणुकीचे समाजासमोर आदर्श निर्माण केले.
दिवस-रात्र कायदा व सुव्यवस्था राखण्यासाठी सज्ज असणाऱ्या पोलीस ठाण्याच्या अधिकाऱ्यांनी आणि पोलिसांनी गणेश विसर्जन मिरवणुकीत खाकी वर्दीचा रुबाब राखत थेट हलगीच्या तालावर ठेका धरला. यावेळी
उपविभागीय पोलीस अधिकारी गणेश शिंदे , सहाय्यक पोलीस निरीक्षक देविदास करंडे, पोलीस उपनिरीक्षक राजकुमार डांगे आणि अमितकुमार करपे यांच्यासह संपूर्ण पोलीस फौज फाटा अत्यंत उत्साहात डान्स करताना दिसून आले . कडक ड्युटी आणि ताणतणाव बाजूला ठेवून, बाप्पाच्या निरोपावेळी अधिकाऱ्यांनी केलेल्या डान्समुळे कौतुक होत आहे.
___________________
* नवप्रभात न्यूज पोर्टल *
*बातम्या व जाहिरातीसाठी संपर्क करा -*
*संपादक :- अमोगसिद्ध मुंजे*
*मो. 9423535294
