मळसिध्दप्पा अक्षता सोहळा उत्साहात संपन्न

सोलापूर… मंद्रूप येथील
मळसिध्दप्पा यात्रेतील अक्षता सोहळा सायंकाळी  शेकडो भाविकांच्या उपस्थितीत उत्साहपूर्ण व भक्तिमय वातावरणात पार पडला.
यात्रा कमिटीचे अध्यक्ष ॲड. राजेश देशमुख व देवस्थान पंच कमिटीचे अध्यक्ष हर्षवर्धन देशमुख यांच्या हस्ते नंदीध्वजांची विधीवत पूजा करण्यात आली. त्यानंतर नंदीध्वज सवाद्य मिरवणुकीने मुख्य मार्गावरून मळसिध्दप्पा मंदिराकडे मार्गस्थ झाले. मुख्य मार्गावरून मिरवणूकीसह सायंकाळी आठ वाजता नंदीध्वजांचे संमती कट्ट्याजवळ आगमन झाले. येथे पारंपरिक पद्धतीने पूजाअर्चा करण्यात आली. यावेळी उपस्थित भाविक व महिलांनी श्री मळसिध्दप्पा महाराज तसेच नंदीध्वजांचे दर्शन घेत अक्षता सोहळ्याला उपस्थिती लावली. यावेळी मळसिध्द मंदिराचे पुजारी व मानाच्या चारही नंदीध्वजाचे मानकरी उपस्थित होते.