सोलापूर..
मंद्रूप येथील लोकसेवा विद्यामंदिर व कनिष्ठ महाविद्यालयाच्या प्राचार्य तथा मुख्याध्यापकपदी बसप्पा घाटे यांची निवड करून नवीन वर्षाची भेट दिली. शिक्षण प्रसारक मंडळ, मंद्रूप संस्थेचे सचिव तथा माजी सभापती गुरूसिध्द म्हेत्रे यांनी ही निवड केली. बसप्पा घाटे यांची प्राचार्य म्हणून निवड झाल्याबद्दल मंद्रूपचे उपसरपंच भगवान व्हनमाने , निवृत्त मंडलअधिकारी सुरेश जोडमोटे, जिल्हा परिषद पत्रकार संघाचे उपाध्यक्ष अमोगसिध्द मुंजे, वेदमूर्ती पंडीत हिरेमठ,दक्षिण सोलापूर पत्रकार असोसिएशनचे अध्यक्ष शिवराज मुगळे, मल्लिकार्जून कांबळे, पर्यवेक्षक मदगोंडा मलकारी आदी उपस्थित होते.
यावेळी अनेक माजी विद्यार्थ्यांनी नूतन प्राचार्य घाटे यांचा सत्कार केला. यावेळी प्राचार्य घाटे यांनी लोकसेवा विद्यामंदिर व कनिष्ठ महाविद्यालय गुणवत्तेत जिल्ह्यात अग्रेसर आहे. यापुढेही लोकसेवा प्रशालेला राज्यात गुणवत्तेत पुढे घेऊन जाण्यासाठी प्रयत्न करणार असल्याची ग्वाही दिली.
लोकसेवा शाळेतील शिक्षक व विद्यार्थीप्रिय हिंदी शिक्षक सर्व धार्मिक, राजकीय, सामाजिक, शैक्षणिक क्षेत्रामध्ये हिरीरीने काम करणारे म्हणून घाटे यांची ओळख आहे. यावेळी उपप्राचार्य म्हणून बसप्पा कुमठेकर यांची नियुक्ती करण्यात आली. नवीन वर्षाच्या पहिल्याच दिवशी या निवडी प्रसंगी संस्थेचे सहसचिव तथा माजी युवा सरपंच अप्पासाहेब म्हेत्रे, पर्यवेक्षक मदगोंडा मलकारी, श्रीधर टेळे, प्रा. अडवीतोटे आदी उपस्थित होते. श्री. घाटे यांचा माजी सभापती म्हेत्रे यांच्या हस्ते सत्कार करण्यात आला. नियुक्तीबद्दल प्राचार्य घाटे यांचे संस्थेचे अध्यक्ष शिवशरण अण्णा पाटील, संचालक मंडळ, ग्रामदैवत मळसिध्दप्पाचे पुजारी व शालेय व्यवस्थापन समितीचे अध्यक्ष, मल्लिकार्जुन वस्तीगृहाचे अधिक्षक व समस्त शिक्षक, शिक्षिका, प्राध्यापक, शिक्षकेतर कर्मचारी आदींनी त्यांचे अभिनंदन केले. या कार्यक्रमाचे सुत्रसंचलन व आभारप्रदर्शन धानप्पा बगले यांनी केले.
