हत्तूर गटात शिवसेनेचा मतदार गाठीभेटींवर भर
हत्तूर .. जिल्हा परिषद गट हत्तूर व पंचायत समिती हत्तूर व औराद गणात शिवसेनेच्या उमेदवारांकडून वाड्यावस्त्या व गावातील मतदारांच्या भेटीवर भर देण्यात येत आहे. पाच वर्षात केलेल्या विकास कामांच्या बळावर अमर पाटील मातोश्री लक्ष्मीताई पाटील यांच्या विजयासाठी मतदारांना विनंती करीत आहेत. तर पंचायत समिती हत्तुर गणातून नरसप्पा दिंडोरे यांनी अहिरवाडीचे सरपंच म्हणून उत्कृष्ट काम केला आहे. तसेच औरादचे माजी सरपंच प्रमोद शिंदे यांनीही जनतेपर्यंत विकास पोहोचविला आहे . त्यामुळे दक्षिण पंचायत समितीवर भगवा फडकवण्यासाठी शिवसेनेच्या सर्व उमेदवारांना निवडून देण्याचे आवाहन शिवसेना जिल्हाप्रमुख अमर पाटील यांनी केला आहे .
हत्तूर जिल्हा परिषद गटात शिवसेनेच्या लक्ष्मीताई पाटील व भाजपाच्या डॉ. उज्वला हविनाळे यांच्यात काटे कि टक्कर लढत होत आहे. दोन्हीही तुल्यबळ उमेदवार असल्यामुळे या लढतीकडे संपूर्ण जिल्ह्याचे लक्ष लागले आहे. हत्तूर जिल्हा परिषदा गटावरील पकड मजबूत करण्यासाठी अमर पाटील ज्येष्ठ नागरिकांचे आशीर्वाद घेऊन व तरुणांची फळी तयार करून मतदारांपर्यंत पोहोचत आहेत. उपमुख्यमंत्री एकनाथ शिंदे यांनी केलेली विकासकामे व धोरणात्मक निर्णयांची मतदारांना माहीती देऊन विकास करण्यासाठी संधी देण्याची विनंती करीत आहेत. पाच वर्षात जिल्हा परिषद सदस्य म्हणून मतदार संघातील विविध विकास कामांसाठी लाखो रुपयांचा निधी मिळवून दिला आहे . त्यामुळे हत्तूरची जनता शिवसेनेसोबत आहे. शिवसेना निवडून आल्यास हत्तूरचा कायापालट करू, असे सांगत अमर पाटील होम टू होम प्रचार करीत आहेत.
हत्तूर पंचायत समिती गणाचे उमेदवार नरसप्पा दिंडोरे व प्रमोद शिंदे हे सर्वांगीण विकासासाठी शिवसेनेला निवडून देण्याचे विनंती करीत आहेत . मतदारांमधूनही शिवसेनेच्या विजयासाठी सकारात्मक प्रतिसाद मिळत असल्याचे दिसून येत आहे . तालुका अध्यक्ष योगीराज दिंडोरे व त्यांचे सर्व कार्यकर्ते शिवसेनेचा धनुष्यबाण तळागाळात पोहोचवण्यासाठी हाडाची काडी व रक्ताची पाणी करीत आहेत त्यामुळे हत्तूर जिल्हा परिषद गटात धनुष्यबाणच निवडून येणार अशी ग्वाही देण्यात येत आहे.
