प्रियांका आसबे यांची वाड्या वस्त्यावरील मतदारांशी संवाद
विकासासाठी भाजपाला निवडून देण्याची विनंती
कंदलगाव… दक्षिण सोलापूर तालुक्यातील कंदलगाव पंचायत समिती गणातून भाजपाकडून प्रियांका आसबे निवडणूक लढवीत आहेत . प्रियंका आसबे यांचे पती रमेश आसबे दक्षिणमधील सर्व पक्षांच्या कार्यकर्त्यांशी सलोख्याचे संबंध आहेत . त्यांच्या पत्नीला पंचायत समितीसाठी उमेदवारी मिळाल्यामुळे कंदलगाव ,अंत्रोळी, ,विंचूर , शंकरनगर, गुंजेगाव, अकोले (मं) या गावातून आनंद व्यक्त करण्यात येत आहे. त्यामुळे प्रियांका आसबे या प्रचारासाठी गेल्यानंतर तरुणांकडून उत्स्फूर्त प्रतिसाद मिळत आहे. ताई, भाजपाच्या विकासकामांमुळे तुमचा विजय निश्चित आहे, असे सांगत प्रियांका आसबे यांना विजयाची खात्री देण्यात येत आहे.
भाजपने महिला, शेतकरी व तरुणांच्या शिक्षणासाठी अनेक विकासात्मक धोरण राबविल्यामुळे देशाचा विकास होत आहे. त्यामुळे जिल्हा परिषद पंचायत समिती निवडणुकीत भाजपचे उमेदवार निवडून येणे गरजेचे असल्याचे सांगत तरुणांमधून उमेदवार प्रियांका आसबे व रमेश आसबे यांना विजयाची ग्वाही देण्यात येत आहे. भाजपमुळे कंदलगाव पंचायत समिती गणात मोठ्या प्रमाणात विकासकामे झाले आहेत . शिवाय आमदार सुभाष देशमुख व मनिष देशमुख यांच्या नेतृत्वाखाली उर्वरित विकास कामांचाही पाठपुरावा करण्यात येणार आहे. त्यामुळे मतदारांनी निवडून देऊन विकासाची संधी देण्याची विनंती उमेदवार प्रियांखा आसबे या करीत आहेत. यावेळी रमेश आसबे यांनी विंचूर, शंकरनगर, कंदलगाव व अंत्रोळी या गावातील मतदारांशी संवाद साधून भाजपाच्या उमेदवारांना निवडून देण्याची विनंती केली.
