हत्तूर येथील प्रचार शुभारंभ करण्यात आला रद्द
हत्तूर..
दक्षिण सोलापूर पंचायत समितीवर कमळ फुलविण्यासाठी व जिल्हा परिषद भाजपाच्या ताब्यात घेण्यासाठी दक्षिण सोलापूरचे आमदार सुभाष देशमुख राजकीय व्यूहरचना आखत आहेत. त्यामुळे मंगळवारी २७ जानेवारीला उमेदवारी अर्ज माघार घेतल्यानंतर बुधवार २८ जानेवारीपासून प्रचारास सुरूवात होणार असल्याने हत्तूर येथे सकाळी १० वाजता भाजपाच्या उमेदवारांचा प्रचार शुभारंभ कार्यक्रमाचे आयोजन करण्यात आले होते. यावेळी वेळेला महत्व देणारे आमदार सुभाष देशमुख हे सकाळी दहा वाजता हत्तूर येथील सोमेश्वर व बनसिध्देश्वर मंदिरात पोहोचले. नारळ वाढवून प्रचार शुभारंभ होणार होता. त्यासाठी हत्तूर जिल्हा परिषद गटासह दक्षिणमधील भाजपा कार्यकर्ते व पदाधिकारीही मोठ्या संख्येने उपस्थित होते. मात्र सकाळी नऊ वाजण्याच्या दरम्यान बारामती येथे विमान दुर्घटनेत उपमुख्यमंत्री अजितदादा पवार यांचे दुर्दैवी निधन झाल्याची बातमी कळाली. यावेळी आमदार देशमुख यांनी प्रचार शुभारंभ करण्याऐवजी शोकसभा घेऊन अजितदादांना श्रध्दांजली वाहीली. यावेळी आमदार देशमुख ,जिल्हा परिषदेच्या उमेदवार डाॅ. उज्वला हविनाळे, पंचायत समिती उमेदवार पंचप्पा धनशेटी व संदिप टेळे , हणमंत कुलकर्णी, डाॅ. चनगोंडा हविनाळे, संगप्पा केरके, यतीन शहा, प्रशांत कडते, महेंद्र उंबरजे, डाॅ. अनिल हविनाळे, नितीन रणखांबे, विक्रांत हविनाळे यांच्यासह भाजपा पदाधिकारी मोठ्या प्रमाणात उपस्थित होते.यावेळी आमदार देशमुख यांनी प्रचार शुभारंभाला फाटा देऊन राष्र्टवादीचे अध्यक्ष उपमुख्यमंत्री व विधानसभेतील सहकारी अजितदादा पवार यांच्या दुर्दैवी निधनाबद्दल शोक व्यक्त केला . यावेळी उपस्थितांनी अजितदादा यांना श्रध्दांजली वाहीली.
प्रचारसभेचे रूपांतर झाले शोकसभेत
हत्तूर येथे आमदार सुभाष देशमुख यांच्याकडून अजितदादांना श्रध्दांजली
