मंद्रूपच्या विकासासाठी कमळ फुलवा
मंद्रूप….
दक्षिण सोलापूरच्या विकासात आमदार सुभाष देशमुख यांचा सिंहाचा वाटा आहे . त्यांनी मंजूर केलेल्या निधीमधून शेकडो कोटींची विकास कामे झाली आहेत . त्यांच्या नेतृत्वाखाली आगामी काळात मंद्रूपच्या विकासासाठी प्रयत्न करणार आहे. खड्यातील रस्त्यांना दर्जेदार रस्ते बनविण्याचे श्रेय आमदार बापू यांनाच जाते. भाजपच्या उमेदवारांच्या पराभवासाठी विरोधकांकडून षडयंत्र सुरू आहे. त्यामुळे विरोधकांकडून विविध अफवा व भूलथापा पसरविण्यात येत आहेत . मंद्रूपच्या मतदारांनी विरोधकांच्या भूलथापा व अफवांना बळी न पडता भाजपाच्या कमळ चिन्हाला मतदान करून विकासासाठी संधी देण्याची विनंती मंद्रूप पंचायत समिती गणाचे भाजपाचे उमेदवार मळसिद्ध मुगळे यांनी केला.
यावेळी मुगळे म्हणाले की , आमदार सुभाष देशमुख यांनी मंद्रूप पंचायत समिती गणात रस्ते, वीज, अंतर्गत गटारी , सभामंडप तसेच विविध विकासकामांसाठी कोट्यावधींचा निधी दिला आहे . त्यामुळे मंद्रूपमध्ये विकास दिसत आहे. मंद्रूपचा पाणीप्रश्न सोडविण्यासाठी आमदार बापूंचे प्रयत्न वाखणण्याजोगे आहे. तसेच मंद्रूप अप्पर तहसील कार्यालय, ग्रामीण रूग्णालय, ट्रामा केअर सेंटर व सीतामाई तलावाला कॅनाॅलचे पाणी सोडवून मंद्रूपच्या शेतकर्यांच्या विकासासाठी हातभार लावला आहे. मात्र विरोधक आमदार देशमुख यांचे विकास मान्य करण्यास तयार नाहीत. भाजपाने मंजूर केलेल्या विविध विकास कामांना विरोध करण्याचे काम विरोधकांकडून झाला आहे . त्यामुळे मंद्रूपच्या तरुणांसह गावाचाही मोठ्या प्रमाणात नुकसान झाला आहे. सध्या भाजपच्या उमेदवारांना मतदारातून चांगला व सकारात्मक प्रतिसाद मिळत असल्यामुळे विरोधकांकडून विविध अफवा पसरविण्याचे काम सुरू आहे. तसेच मतदारांना भूलथापा देऊन भाजपला मतदान न करण्याचे आवाहन करण्यात येत आहे. मात्र मंद्रूपच्या सुज्ञ मतदारांनी विरोधकांच्या आमिषाला बळी न पडता विकासासाठी भाजपाला संधी देण्याची गरज आहे. दक्षिण सोलापूर पंचायत समितीवर भाजपचा कमळ फुलणार आहे. त्यामुळे विविध योजनांमधून निधी मिळवून मंद्रूपच्या विकासासाठी प्रयत्न करणार आहे. तरुणांच्या रोजगारांसह मूलभूत गरजा नागरिकांपर्यंत पोहोचविण्यासाठी सदैव कटिबद्ध असल्याची ग्वाही यावेळी मुगळे यांनी दिली.
