यासीन मकानदार यांचा धडाक्यात प्रचार शुभारंभ
मंद्रूप …
मंद्रूप पंचायत समिती गणातून मंद्रूपमधील वाॅर्ड क्रमांक ४ चे ग्रामपंचायत सदस्य यासीन मकानदार यांना मार्क्सवादी कम्युनिष्ट पक्षातर्फे उमेदवारी मिळाली आहे. यासीन मकानदार यांनी २०२२ च्या ग्रामपंचायत निवडणूकीत सत्ताधार्यांच्या होमपीच असलेल्या चार नंबर वाॅर्डातून विजय मिळवून सत्ताधार्यांना धक्का दिला होता.
त्यानंतर आता पुन्हा पंचायत समिती गणातून सत्ताधार्यांविरोधात दंड थोपाटला असून त्यांच्या उमेदवारीमुळे सत्ताधार्यांच्या मतांची विभागणी होणार असल्यासे सत्ताधार्यांसाठी डोकेदुखी ठरत आहे. त्यामुळे यासीन ‘बाबा’ मकानदार सत्ताधार्यांना धक्का देऊन चमत्कार करणार का ? याकडे सर्वांचे लक्ष लागली आहे.
यासीन मकानदार यांनी ग्रामपंचायत निवडणूकीत आरके फाउंडेशनचे संस्थापक अध्यक्ष मोतीलाल राठोड यांच्या पॅनलमधून विजय मिळविला. यापूर्वी त्यांनी प्रस्थापित व सत्ताधार्यां विरोधात अनेक वेळा लढत दिली होती. मात्र २०२२ च्या निवडणूकीत त्यांनी चमत्कारी विजय मिळविला होता. निवडून आल्यावर मकानदार नागरीकांच्या कल्याणासाठी मासिक बैठकीत सत्ताधार्यांना विरोध केला आहे. आठवडा बाजार लिलाव घोटाळा, माझी वसुंधरा निधी गैरवापर, करसंकलनातून करण्यात आलेल्या विकासकामे अथवा गावाच्या विकासास घातक ठरणार्या अनेक प्रस्तावांना विरोध केला आहे. शिवाय झेडपीचे सीईओ कुलदीप जंगम यांनी मंद्रूप ग्रामपंचायतला भेट दिल्यावर ग्रामपंचायतच्या ढिसाळ कारभाराबद्दल तक्रार केली होती. त्यामुळे मकानदार म्हणजे सत्ताधार्यांसाठी डोकेदुखी आहे. शिवाय वाॅर्ड क्रमांक ४ सत्ताधार्यांसाठी होमपीच असताना तेथील मतदानात घट होणार आहे. मकानदार यांनीही पंचायत समिती गणात प्रचार करताना मंद्रूपच्या मतदारांना टार्गेट मताधिक्य मिळविण्यासाठी जोर लावला आहे.
यासीन मकानदार यांनी मार्क्सवादी कम्युनिष्ट पक्षाकडून उमेदवारी मिळवून पक्षाचे पदाधिकारी व तरूणांच्या जल्लोषात उपस्थितीत प्रचार शुभारंभ केला. यावेळी प्रस्थापित व सत्ताधार्यांविरोधात लढाई असून नागरीकांच्या कल्याणासाठी सदैव रस्त्यावर उतरणार आहे. तसेच शेतकरी व नागरीक यांच्या समस्यांची जाणिव असल्याने मतदारांना निवडून देण्याची विनंती केली.
यावेळी माकपचे प्रदेश सचिव एम.एच. शेख, जिल्हा सचिव सुलेमान शेख, तालुकाध्यक्ष जावीद आवटे, शहरअध्यक्ष सिकंदर मकानदार, इक्बाल आवटे, मल्लिकार्जून कांबळे, फारूक शिकलगार आदी उपस्थित होते.
