वळसंग येथे भाजपा उमेदवारांच्या प्रचायार्थ आमदार कल्याणशेटी यांची जाहीरसभा
वळसंग…
उच्चशिक्षित असूनही जनतेच्या सेवेची तळमळ असणारा व आतापर्यंत कोणत्याही प्रकारचा चारीत्र्यावर डाग नसलेला निस्वार्थी नेता म्हणून रामपा चिवडशेटी यांना ओळखले जाते . दिवस-रात्र समाजसेवा व जनसेवेला महत्व देणाऱ्या रामप्पा चिवडशेट्टी यांना निवडून देऊन काम करणाऱ्या व्यक्तीला जिल्हा परिषदेत पाठवा, असे आवाहन अक्कलकोटचे आमदार सचिन कल्याण शेट्टी यांनी केले . वळसंग येथे भाजपा उमेदवारांच्या प्रचारात आयोजित जाहीर सभेत ते बोलत होते . यावेळी वळसंग जिल्हा परिषद गटाचे उमेदवार रामप्पा चिवडशेटी व पंचायत समिती गणाचे उमेदवार बलवान गोतसुर्वे यांच्यासह भाजप पदाधिकारी उपस्थित होते.
यावेळी आमदार कल्याणशटी म्हणाले की, रामप्पा चिवडशेटी हे कमी बोलून अधिक काम करून घेणारे नेतृत्व आहे. सतत जनमानसात राहून विकास कामाला प्राधान्य देणारे व्यक्तिमत्व आहे. विकासकामांमुळे जनता त्यांना मोठ्या प्रमाणात पसंती देते. सावकार भाजप पक्ष व जनतेशी प्रामाणिक राहून काम करीत आहेत. कधीही कोणाचे वाईट न करणारा व सदैव लोकसेवा व जनसेवेला प्राधान्य देणारे चिवडशेटी हे नेहमी गावाच्या व मतदारसंघाच्या विकासासाठी चिकाटीने वारंवार पाठपुरावा करीत असतात. त्यामुळे अशा व्यक्तिमत्त्वाला जिल्हा परिषदेत पाठवून मतदारसंघाचा विकास करण्याचे आवाहन आमदार सचिन कल्याणशेटी यांनी केले.
