मतदारांचे प्रश्न सोडविण्यासाठी सदैव तत्पर … यासीन मकानदार
मंद्रूप …
मंद्रूप पंचायत समिती मार्क्सवादी कम्युनिष्ट पक्षाचे उमेदवार यासीन मकानदार यांनी मंद्रूप, वांगी, वडकबाळ व बसवनगर येथील वाड्या वस्त्यांवर जाऊन मतदारांच्या अडचणी व समस्या जाणून घेतल्या. यावेळी शेतकर्यांनी सत्ताधार्यांविरोधात रोष व्यक्त करीत मकानदार यांनाच मतदान करण्याची ग्वाही दिली. शेतकर्यांच्या अडचणी व समस्या सोडविण्यासाठी मकानदार यांनी अखिल भारतीय किसान सभेच्या माध्यमातून दूध दर, ऊसदर, वीजसमस्या व खतांच्या दराविरोधात जनआंदोलन उभारून सरकारविरोधात काम केले. त्यामुळे शेतकर्यांना ऊसासाठी ३००० रूपये दर व पिकांना हमीभाव मिळण्यास मदत झाली आहे. शिवाय दूधाला २० रूपरे दर असताना आंदोलन केल्यावर ४० रूपये दर मिळत आहे. याची शेतकर्यांना जाणिव असल्याने मकानदार यांना मतदान करून शेतकर्यांचा आवाज बुलंद करणार असल्याचे शेतकरीवर्गामधून सांगण्यात आले.
यावेळी मकानदार यांनी विकासासाठी संधी देण्याची विनंती करीत सदैव जनसेवेस तत्पर असल्याचे सांगितले. यावेळी सुलेमान शेख, जावीद आवटे, सिकंदर मकानदार, पैगंबर नदाफ, मल्लू कांबळे, भीमाशंकर झळके, फारूक शिकलगार यांच्यासह इतर पदाधिकारी पदयात्रा काढून व मोटार सायकल रॅली काढून मतदारांना मतदान करण्याची विनंती करीत आहेत.
