मळसिध्द मुगळे यांनी प्रचारसभा घेतला नाही
अजितदादांना वाहीली अनोखी श्रध्दांजली
मंद्रूप..
प्रचार शुभारंभ करताना उपमुख्यमंत्री अजितदादा पवार यांचे विमान अपघातात निधन झाल्याची वार्ता समजताच भाजपाचे मंद्रूप पंचायत समितीचे उमेदवार मळसिध्द मुगळे यांनी मळसिध्द मंदिरात प्रचारसभा न घेण्याचा निर्धार केला होता. गुरूवारी रात्रीपासून प्रचार बंद झाला. मात्र या काळात मुगळे यांनी त्यांच्या विरोधात राष्र्टवादी काॅंग्रेस पक्षाचे उमेदवार असतानाही त्यांनी प्रचारसभा न घेण्याचा शब्द पाळला. त्यामुळे मंद्रूपमधील राजकारणातील सभ्यतेचे दर्शन दिसून आले.
दक्षिण तालुक्यात जिल्हा परिषद व पंचायत समिती निवडणूकीत सर्व गण व गटात प्रचारसभा झाले. मात्र मंद्रूप गणात भाजपाकडून प्रचारसभा घेण्यात आले नाही. राज्याच्या राजकारणातील ‘ डॅशिंग ‘ उपमुख्यमंत्री अजितदादा पवार यांचे विमान अपघातातील निधनामुळे राजकारणात पोकळी निर्माण झाली आहे. शिवाय राज्याच्या विकासातही अजितदादा पवार यांचा सिंहाचा वाटा असल्याचे सांगत भाजपा उमेदवार मुगळे यांनी श्रध्दांजली म्हणून प्रचारसभा न घेता पदयात्रा व मतदारांच्या गाठीभेटीवर भर देणार असल्याचे सांगितले. प्रचार बंद होताना मुगळे यांनी कार्यकर्त्यांच्या आग्रहाखातर पदयात्रा काढून सर्व देवांच्या चरणी नारळ वाहीले. यावेळी पिर शेखसाहेब येथील दर्गामध्ये दर्शन घेऊन मंद्रूपच्या विकासासाठी भाजपाच्या उमेदवार सोनाली कडते व मळसिध्द मुगळे यांना निवडून देण्याची विनंती केली. यावेळी प्रशांत कडते, शिवपुत्र जोडमोटे, सुरेश टेळे, नागनाथ घाटे, शिवानंद लोभे, शिवानंद जोडमोटे, शिवराज कालदे, राहुल पुजारी, चिदानंद मुगळे, सिध्दलिंग म्हेत्रे, सिध्दाराम काळे यांच्यासह भाजपा पदाधिकारी व कार्यकर्ते उपस्थित होते.
