ट्रान्सफार्मर चोरी करणारी टोळी गजाआड
गुन्हयांमधील 20 लाखांचा मुद्देमाल हस्तगत
सातारा…
सातारा जिल्ह्यातील बोरगांव पोलीस ठाणे हददीत गेले दोन महिन्यापासून शेती पंपाच्या कॉपर वायर चोरी व डी.पी. (ट्रान्सफार्मर) चोरी च्या घटना वारंवार घडत असल्याने साताराचे पोलीस अधिक्षक निखील पिंगळे, अपर पोलीस अधीक्षक सातारा वैशाली कडुकर व पोलीस उपविभागीय अधीकारी
राजीव नवले यांनी स्थानीक गुन्हे शाखेचे पोलीस निरीक्षक विश्वजीत घोडके व बोरगांव पोलीस ठाणेचे सहायक पोलीस निरीक्षक प्रशांत हुले यांना शेती पंपाच्या कॉपर वायर व डी.पी चोरीच्या गुन्हातील अज्ञात इसमाचा शोध घेवुन कारवाई करण्याच्या सुचना दिल्या होत्या. त्यानुसार सहायक पोलीस निरीक्षक प्रशांत हुले , पोलीस उपनिरीक्षक एम.ई. पाटील
व बोरगाव डी. बी. पथक तसेच स्थानीक गुन्हे शाखेचे पथक यांनी चोरी झालेल्या घटनास्थळी वारंवार भेटी देवून सखोल तपास केला.
गोपणीय वातमीची संपूर्ण माहीती तसेच सायबरच्या मदतीने तांत्रीक पध्दतीने विश्लेषण माहिती घेवून 1) हर्षद सुनिल जाधव, वय 23 वर्षे, रा. सासपडे ता.जि. सातारा, 2) स्वप्नील संजय मगर, वय 21 वर्षे, रा.ढोरोशी ता.पाटण जि.सातारा, 3) विकास वाल्मिक कदम, वय 23 वर्षे, रा.मरळोशी ता.पाटण जि.सातारा, 4) विवेक विजय लादे, वय 23 वर्षे, रा.सासपडे ता.जि.सातारा 5) शेखर चंद्रकांत सावंत रा. निवडे ता.पाटण जि.सातारा यांना सापळा लावून शिताफिने ताब्यात घेवून त्यांना अटक केला. काही महिन्यापासून नमुद गुन्हयातील मुख्य आरोपी सागर चंद्रकांत मोरे रा. भुडकेवाडी, ता.पाटण जि.सातारा व त्याचे अन्य दोन ते तिन अनोळखी साथीदार असे सर्वानी संगनमत करून बोरगांव पोलीस ठाणे हद्दीत 01 डी. पी (ट्रान्सफार्मर) व 04 ठिकाणी शेतीपंपाची कॉपर वायरची चोरी केली असल्याचे कबुली दिली. आरोपी सागर मोरे तसेच त्यांचे इतर साथीदार यांनी बोरगांव, कोरेगांव, सातारा तालुका, सातारा शहर, भुईंज, उंब्रज या पोलीस ठाणे हद्दीत एकुण 26 ठिकाणी कॉपर वावर व डी. पी. चोरी केले असल्याचे कबुली दिली. आरोपीत यांनी चोरी करताना गुन्हयात वापरलेली 01 पिकअप, 04 मोटारसायकल, 05 मोबाईल व चोरी करण्यासाठी लागणारे साहित्य तसेच चोरी केलेला मुद्देमाल व रोख रक्कम अशी एकूण 26 गुन्हांमध्ये 20 लाख 22 हजार 482/- रु किंमतीचा मुद्देमाल जप्त केला.
सदरची कारवाई पोलीस अधीक्षक निखील पिंगळे,, अप्पर पोलीस अधीक्षक वैशाली कडुकर , पोलीस उपविभागीय अधीकारी राजीव नवले यांचे मार्गदर्शनाखाली पोलीस निरीक्षक विश्वजीत घोडके बोरगांव पोलीस ठाणेचे सहायक पोलीस निरीक्षक प्रशांत हुले, पोलीस उपपनिरीक्षक एम.ई. पाटील, एस.एम. बसवंत, डी. बी. पथकातील पीएसआय प्रविण शिंदे, रफिक काझी, पोलीस हवालदार निलेश गायकवाड, दिपककुमार मांडवे, विजय म्हेत्रे, संजय खाडे, सुनील कर्ण, प्रविण नावडकर, रफिक शेख, नंदकुमार कचरे, प्रशांत चव्हाण, जगदीश कणसे, सुमीत साळुंखे, ज्ञानेश ढाणे, विशाल जाधव, समाधान जाधव, केतन जाधव यांनी केली आहे.
__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
