मंडल अधिकार्यावर एसीबीची कारवाई
लाचखोरीमुळे महसूल विभाग पुन्हा चर्चेत
सोलापूर : मुरूम ट्रक सोडून लखपती होण्याचा मोह एका मंडल अधिकार्याला चांगलाच नडला . जप्त केलेला मुरूम वाहतूक करणारा ट्रक दंडात्मक कारवाई न करता सोडण्यासाठी तब्बल १ लाख रुपयांची लाच स्वीकारताना मंडल अधिकारी विजयकुमार माने यांना लाचलुचपत प्रतिबंधक विभागाच्या (एसीबी) पथकाने रंगेहात अटक केली. या कारवाईमुळे महसूल विभागातील लाचखोरीची पुन्हा चर्चा सुरू झाली आहे .
तक्रारदाराचा मुरूम वाहतूक करणारा ट्रक महसूल विभागाने जप्त केला होता. हा ट्रक सोडण्यासाठी मंडल अधिकारी विजयकुमार माने यांनी तक्रारदाराकडे एक लाख रुपयांची लाच मागितली होती . तक्रारदाराने लाच देण्यास नकार देत एसीबीकडे तक्रार दाखल केली.
त्यानुसार एसीबीने सोमवारी दुपारी सोलापूर उत्तर तहसील कार्यालयात सापळा रचून तक्रारदाराकडून लाचेची रक्कम स्वीकारताना विजयकुमार माने यांना रंगेहात पकडले. सदर बाजार पोलीस ठाण्यात गुन्हा नोंद करण्यात आली आहे . महसूल विभागातील भ्रष्टाचार पुन्हा एकदा समोर आल्याने नागरिकांकडून तीव्र नाराजी व्यक्त होत असून, या प्रकरणाचा पुढील तपास एसीबीकडून सुरू आहे. अशी माहिती पोलीस उपअधीक्षक प्रशांत चौगुले यांनी दिली आहे.
__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
