समाजाच्या विकासासाठी सदैव सहकार्य . सेवानिवृत्त अधिकार्‍यांची ग्वाही

वीरशैव लिंगायत पंचम वाणी समाज संघटनेकडून मान्यवरांचा गौरव

मंद्रूप..
ज्या समाजात जन्म झाला, सेवानिवृत्त झाल्यावर त्या समाजाकडून सत्कार होणे भाग्याचे आहे. आजच्या काळात प्रामाणिक व निष्कलक सेवा बजावून समाजात गौरव मिळविणे जिकरीचे आहे. मात्र समाजातील वढीलधारी व ज्येष्ठांच्या आशीर्वादाने उत्कृष्ठ सेवा बजाविण्यास मदत झाल्याचे सेवानिवृत्त ग्रामपंचायत अधिकारी शैलेश मुंजे यांनी सांगितले. मंद्रूपमधील वीरशैव लिंगायत वाणी समाज संघतनेनी विविध क्षेत्रातील सेवानिवृत्त व नवीन शासकीय सेवेस सुरु करणार्‍या मान्यवरांचे सत्कार करण्यात आले. यावेळी सेवानिवृत्त अधिकार्‍यांनी त्यांचे अनुभव कथन करून समाजाच्या विकासासाठी सदैव सहकार्य करणार असल्याचे ग्वाही दिली .

सकळेश्वर मंदिरात आयोजित गौरव सोहळ्या साठी निवृत्त शिक्षक शिवशंकर मेंडगुदले अध्यक्ष म्हणून उपस्थित होते. यावेळी व्यासपीठावर बाबूराव मेंडगुदले, ग्रामपंचायत सदस्य सूर्यकांत मेंडगुदले, नागनाथ घाटे, धुंडप्पा मेंडगुदले, रवीकुमार शिळ्ळे ,ओगसिध्द मेंडगुदले, राजकुमार उंबरजे , भगवान मेंडगुदले आदी उपस्थित होते. यावेळी सेवानिवृत्त लिपिक राजकुमार वाडकर, ग्रामपंचायत अधिकारी शैलेश मुंजे, सेवानिवृत्त मुख्याद्यापक राजकुमार कस्तुरे , जिल्हा उद्योग केंद्रात लिपिक मल्लिनाथ धनाळे तर आदर्श मुख्याध्यापक पुरस्कारप्राप्त अशोक लिगाडे, लोकसेवाचे नूतन प्राचार्य बसप्पा घाटे, विशेष कार्यकारी अधिकारी म्हणून निवड झालेले गौरीशंकर मेंडगुदले,
वांगीचे पोलीस उपनिरीक्षक मनिष बिराजदार, ठाणे येथे पोलीस म्हणून नेमणूक लक्ष्मी झालेल्या होनराव आणि कुस्ती स्पर्धेत यश मिळविलेल्या शुभम कारंजे आदींचा समाजाच्या वतीने उपस्थित मान्यवरांच्या हस्ते सत्कार करण्यात आले.

यावेळी सेवानिवृत्त मान्यवरांनी शासकीय सेवा बजाविताना सामान्य व्यक्तींच्या व्यथा जाणून घेऊन निष्कलंक सेवा पूर्ण करण्याचे आवाहन केले. यापुढील उर्वरीत आयुष्य समाजातील तरूणांना मार्गदर्शन करून विविध उपक्रम राबविण्यासाठी सहकार्य करण्याची ग्वाही दिली.

यावेळी सुरेश मेंडगुदले, सुभाष मेंडगुदले, मल्लिकार्जून वाडकर , विश्वनाथ सिंदखेडे, गिरीष मेंडगुदले, बसवराज सिंदखेडे, महेश मेंडगुदले, दयानंद घाटे, चिदानंद मोकाशी, जगनाथ धनाळे, अमित वाडकर, श्रीशैल मुंजे, कुमार मेंडगुदले, सिध्दाराम घाटे, संजय मेंडगुदले, चिदानद मेंडगुदले, इरेश उंबरजे, नागेश मेंडगुदले आदी उपस्थित होते. विकास शिळ्ळे यांनी सूत्रसंचान केले. प्रास्ताविक अमोगसिध्द मुंजे यांनी प्रास्ताविक केले. रवींद्र वाडकर यांनी आभार मानले.