पंढरपूर अप्पर पोलीस अधीक्षकपदी प्रेरणा कटे

गृह विभागाने सोलापूर ग्रामीण पोलीस प्रशासनात मोठे फेरबदल करत पंढरपूर येथे नवीन पोलीस उपमुख्यालय स्थापन केले आहे व वरिष्ठ पातळीवर कायदा-सुव्यवस्था अधिक मजबूत करण्यासाठी हे महत्त्वाचे पाऊल उचलले आहे. तीर्थक्षेत्र पंढरपूर आणि आसपासच्या परिसरातील कायदा व सुव्यवस्था अधिक मजबूत करण्यासाठी राज्य शासनाने मोठा निर्णय घेतला आहे. वरिष्ठ पोलीस अधिकारी प्रेरणा कटे यांची पंढरपूरच्या सहायक पोलीस अधीक्षकपदी (ASP) अधिकृत नियुक्ती करण्यात आली आहे. गृह मंत्रालयाने सोलापूर ग्रामीण पोलीस दलाचे प्रशासकीय सुसूत्रीकरणा साठी विभाजन केल्यानंतर ही महत्त्वपूर्ण नियुक्ती जाहीर केली आहे. 
आषाढी-कार्तिकी वारीचा वाढता व्याप, पश्चिम     भागातील वाढते नागरीकरण आणि गुन्हेगारी नियंत्रणासाठी राज्य शासनाने सोलापूर ग्रामीण पोलीस प्रशासनात मोठे फेरबदल केले आहेत. पंढरपूर येथे स्वतंत्र अप्पर पोलीस अधीक्षक (Additional SP) क्षेत्र आणि उपमुख्यालय मंजूर करण्यात आले असून, कायदा व सुव्यवस्थेला अधिक गती देण्यासाठी प्रेरणा कटे यांच्यासारख्या सक्षम अधिकाऱ्याकडे पंढरपूर उपविभागाची धुरा सोपवण्यात आली आहे.
पंढरपुरातच उपमुख्यालय स्थापन झाल्याने वारी काळात गर्दी नियंत्रण आणि गुन्हेगारीवर तातडीने कारवाई करणे सोपे होईल, परिणामी पोलीस निर्णय प्रक्रियेत सुसूत्रता येईल. प्रशासकीय कामांसाठी आता सोलापूरला जाण्याची आवश्यकता नसल्याने नागरिकांचा वेळ वाचेल.  प्रेरणा कटे यांच्या नियुक्तीमुळे पंढरपूर व आसपासच्या परिसरातील (सांगोला, मंगळवेढा, माळशिरस) कायदा-सुव्यवस्था अधिक सक्षम होईल, असा विश्वास व्यक्त केला जात आहे.
__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*