सकळेश्वर देवाला धान्याची पूजा बांधण्याची परंपरा
अनेक वर्षांची परंपरा आजही सूरू
पूजेमुळे मनोकामना पूर्ण होण्याची धारणा
मंद्रूप…
मंद्रुपचे ग्रामदैवत श्री सकळेश्वर देवस्थान येथे श्रावण महिन्यात दर सोमवारी भक्तांकडून अकी (तांदूळ) पूजा व पानपूजा बांधली जाते. अनेक वर्षांपासून मंद्रुपमधील भक्तांकडून प्राचीन काळातील सकळेश्वर देवाची पूजा बांधण्याची परंपरा आजही अखंडीत सुरू आहे. अक्की ( तांदूळ ) धान्य , व पानपूजा बांधताना सातू तांदूळ, गहू, हरभरा, दाळ व मसूरदाळ ही पाच धान्य पाण्यात भिजवून श्रीच्या मूर्तीवर दोरीच्या सहाय्याने पूजा बांधण्यात येते.
दर सोमवारी “श्री”स अभिषेक करुन पूजा बांधण्याची परंपरा अनेक वर्षांपासून सुरू आहे.
मंद्रुपमध्ये पुरातन सकळेश्वर
मंदिर आहे. मंद्रुपच्या पश्चिम दिशेला सकळेश्वर मंदिर असून या मंदिरात सकळेश्वर देवाशिवाय कुलगुरू तीर्थाचार्य यांची समाधी आहे. डाव्या बाजूस श्री सर्वमंगळागौरी माता शक्तीदेवता आहे. याशिवाय विष्णूदेवता, अष्टभुजादेवी, नागोबा, गणपती, हनुमान अशा देवतांच्या मूर्ती आहेत. मंदिरासमोर प्रशस्त मैदान आहे. मंदिराच्या शेजारीच श्री शिवयोगेश्वर देवस्थान व मठ आहे. येथे दररोज भक्तांकडून भजन व शिवआराधना केली जाते. श्रावण समाप्ती अमावस्या दिवशी रात्रभर भजन व शिवआराधना करून जागरण करण्यात येते. मंद्रुपच्या मुख्य रस्त्यांवरून श्रीच्या मूर्तीची सवाद्य मिरवणूक काढण्यात येते. महाप्रसाद वाटप करून श्रवण समाप्त व महिन्याच्या पूजेचा समारोप करण्यात येतो.
….
चौकट
..,,
ग्रामदैवत सकळेश्वर मंदिराची अक्कीपूजा व पानपूजा बांधण्याची परंपरा अनेक वर्षांपासून सुरू आहे. पूजा बांधल्यामुळे इच्छा पूर्ण होते, अशी भक्तांची धारणा आहे. यामुळे श्रावण सोमवारी धान्यपूजा व पानपूजा बांधली जाते. भक्तांकडून श्रावण समाप्तीला मोठ्या उत्साहाने श्रींची मिरवणूक काढण्यात येते.
-सकळेश्वर पुजारी, मंद्रुप
…,
