दक्षिणमध्ये उमेदवारीची अनिश्चितता वाढली
जिल्हा परिषदेसाठी २३ तर पंचायत समितीसाठी ४६ अर्ज
सोलापूर..
अक्कलकोटमधील आमदार सचिन ( दादा ) कल्याणशेटी व शिवसेनेचे तालुकाध्यक्ष शंकर ( मालक ) म्हेत्रे यांची एंट्री झाल्याने निवडणूकीत चुरस निर्माण झाली आहे. दक्षिणमधील बोरामणी, वळसंग व कुंभारी या मतदारसंघातील भाजप उमेदवार निश्चितीचा अधिकार आमदार कल्याणशेटी व शिवसेनेकडून शंकर म्हेत्रे यांना देण्यात आला आहे. त्यामुळे अक्कलकोटमधील निवडणूक टशन दक्षिणमध्ये असणार आहे. जिल्हा परिषद व पंचायत समितीच्या निवडणुकीची रणधुमाळी सुरू झाली असून दक्षिणमध्ये इच्छुकांची संख्या मोठ्या प्रमाणात दिसून येत आहे. अर्ज भरण्यासाठी मंगळवारी इच्छुकांनी गर्दी केल्याचे दिसून आले . भाजपाकडून उमेदवारी मिळविण्यासाठी इच्छुकांची धावपळ सुरू आहे. त्यामुळे भाजपासह इतर पक्षांनी एबी फाॅर्म वेटींगवर ठेवला आहे. मंगळवारी सुरेश हसापुरे भाजप, इंदुमती अलगोंडा पाटील भाजप , सोनाली कडते भाजप , धनशे अचलारे शिवसेना, उज्वला हविनाळे भाजप , सविता मेंडगुदले भाजप , मळसिध्द मुगळे भाजप , रामप्पा चिवडशेट्टी भाजप , संदिप टेळे भाजप, यांच्यासह अनेकांनी उमेदवारी अर्ज दाखल केला आहे. आज बुधवार दुपारी तीन वाजेपर्यंत अर्ज दाखल करण्यासाठी मुदत आहे. जिल्हा परिषद गट …
बोरामणी .. ४, कुंभारी ८, वळसंग १ , हत्तूर ३, मंद्रूप ४ व भंडारकवठे ३ … एकूण …२३
पंचायत समिती गण …
कासेगाव १ , बोरामणी .. ४, कुंभारी ८, धोत्री १ , वळसंग ४, होटगी ४ , हत्तूर ७, औराद ३, मंद्रूप ४, कंदलगाव ३, भंडारकवठे १ व निंबर्गी ६ .. एकूण … ४६
दक्षिणमध्ये कोणत्याही पक्षाकडून उमेदवारी निश्चित नसल्यामुळे एका जागेसाठी पाच पेक्षा अधिक उमेदवारांनी अर्ज दाखल केला आहे. मंगळवारी २० जानेवारी रोजी एकूण ६९ उमेदवारांनी अर्ज दाखल केल्याने निवडणुकीची रंगत वाढल्याचे दिसून येत आहे.
१६ जानेवारीपासून उमेदवारी अर्ज दाखल करण्यास सुरुवात झाली असून सोमवारपासून इच्छुकांकडून अर्ज भरण्यात येत आहे. २१ जानेवारीपर्यंत उमेदवारी अर्ज भरण्याचा कालावधी असून २० जानेवारी रोजी अनेक दिग्गजांकडून उमेदवारी दाखल करण्यात आले. सर्वच पक्ष उमेदवारी निश्चित न करता अर्ज दाखल करण्यास सांगितले आहेत . त्यामुळे एका गटात एकाच पक्षाकडून चार ते पाच इच्छुक उमेदवारांनी अर्ज भरली आहेत. कार्यकर्त्यांमध्ये व इच्छुकांमध्ये नाराजी निर्माण होऊ नये, यासाठी सर्वच पक्ष उमेदवारी अर्ज दाखल केल्यानंतर एबी फॉर्म शेवटच्या क्षणाला देणार असल्याचे सांगण्यात येत आहे . त्यामुळे कार्यकर्त्यांची धाकधूक वाढली आहे.
