माजी आमदार दिलीप माने गटातील भाजपची उमेदवारी रद्द
सोलापूर …
दक्षिण तालुक्यामधील
जिल्हा परिषद व पंचायत समितीच्या उमेदवारी वाटपात भाजपाकडून गोंधळ निर्माण झाल्याने अधिकृत उमेदवार कोण ? असा सवाल उपस्थित करण्यात येत होता. मात्र अर्ज छाननीमध्ये भाजपाचे उमेदवार भाजपाच्याच उमेदवाराला हरकत घेतल्यामुळे माजी सभापती इंदुमती अलगोंडा, माजी जिल्हा परिषद सदस्य सुरेश हसापूरे यांच्यासह अनेक दिग्गज नेत्यांची उमेदवारी अपक्ष राहीली आहे. त्यामुळे पक्षाने त्यांना वार्यावर सोडल्याची चर्चा सुरू आहे.
नऊ वर्षानंतर निवडणूका होत असल्याने उमेदवारी निवडताना पक्षश्रेष्ठींची मोठी दमछाक झाली. आमदार सुभाष देशमुख व माजी आमदार दिलीप माने यांच्या गटबाजीमुळे इच्छुकांना एकाच जागेसाठी दोन-दोन ए बी फॉर्म देण्यात आले. मात्र आमदार देशमुख यांनी माने गटावर विजय मिळवत माने गटातील उमेदवारी रद्द करून देशमुख गटातील इच्छुकांना उमेदवारी देऊन बाजी मारली आहे . त्यामुळे पक्षाकडून उमेदवारी न मिळाल्यामुळे ते अपक्ष राहिले आहेत. ऐन निवडणूकीच्या दक्षिणमध्ये माने व देशमुख गट यांच्यामध्ये कलगीतुरा रंगला आहे . उमेदवारी वाटपामध्ये तालुक्याला त्याची प्रचिती आली. आमदार देशमुख यांनी त्यांच्या गटातील हत्तूर , मंद्रूप व भंडारकवठे गटासाठी उमेदवारी जाहीर केली . मात्र माजी आमदार माने यांनी त्यांच्या गटातील उमेदवारांना पक्षाकडून उमेदवारी जाहीर करून देशमुख गटाला शह देण्याचा प्रयत्न केला. त्यामुळे हत्तुर, मंद्रूप व भंडारकवठे येथे दोन दोन एबी फॉर्म देण्यात आल्यामुळे उमेदवारी विषयी ‘सस्पेन्स’ निर्माण झाला होता . मात्र आमदार देशमुख यांनी सर्व ताकद पणाला लावून त्यांच्या गटातील उमेदवारांना उमेदवारी मिळवून देण्यात यशस्वी झाल्याने माने गटातील उमेदवारी अपक्ष राहिले आहेत. मात्र मंद्रूप पंचायत समिती गणातील मळसिद्ध मुगळे हे आमदार सचिन कल्याणशेट्टी गटातून उमेदवार राहिल्यामुळे देशमुख गटांना शह देण्याचा प्रयत्न झाल्याचे दिसून येते.
दक्षिणमध्ये हत्तुर येथे इंदुमती अलगोंडा पाटील, सुरेश हसापुरे, शिवानंद पाटील यांच्यासह इतर पक्षातील अनिता माळगे शिवसेना, सिद्धाराम हेले भाजप , केदारलिंग विभूते भाजप, विद्युलता कोरे राष्र्टवादी, शालन चव्हाण भाजप, सविता मेंडगुदले भाजप, यशपाल वाडकर भाजप, बिपिन करजोळे भाजप, आप्पासाहेब मोटे भाजप, मोतीराम चव्हाण काॅंग्रेस, शिवराज कालदे भाजप, संतोष बरुरे शिवसेना, हर्षवर्धन देशमुख भाजप, रेवणसिद्ध मेंडगुदले भाजप, सारिका पाटील भाजप, व अभिलाषा कमळे भाजप यांना पक्षाने एबी फॉर्म न दिल्यामुळे सध्या अपक्ष म्हणून उमेदवारी राहिली आहे.
भाजप यांना पक्षाने एबी फॉर्म न दिल्यामुळे सध्या अपक्ष म्हणून उमेदवारी राहिली आहे. २७ जानेवारी उमेदवारी अर्ज माघार घेण्याची शेवटचा दिवस असून या दिवशी अंतिम चित्र स्पष्ट होणार आहे.
