प्रियांका आसबे यांचा आठवडा बाजारात मतदारांशी संवाद
कंदलगाव…
दक्षिण सोलापूर पंचायत समितीच्या कंदलगाव गणासाठी भाजपकडून प्रियांका आसबे यांची उमेदवारी जाहीर झाल्यानंतर मतदारांमधून समाधान व्यक्त करण्यात येत आहे. कंदलगाव गणाच्या विकासासाठी आमदार ‘बापूं’च्या माध्यमातून प्रियांका आसबे व ‘अण्णा’ कटिबध्द असल्याने कंदलगावच्या आठवडा बाजारात विकासाच्या गप्पा रंगत आहेत. त्यामुळे अकोलेच्या ‘अण्णां’ची सर्वत्र क्रेझ वाढत आहे. 
अकोलेच्या रमेश आसबे यांचा दांडगा जनसंपर्क असल्यामुळे त्यांच्या पत्नी प्रियांका “ताई” आसबे यांना भाजपकडून उमेदवारी देण्यात आली आहे.
आमदार सुभाष देशमुख व सिध्देश्वर बाजार समिती संचालक मनिष देशमुख यांचा विश्वास सार्थ ठरविण्यासाठी प्रियांका ‘ताई’ आसबे उमेदवारी अर्ज दाखल केल्यापासून प्रत्येक मतदारांपर्यंत पोहोचून विकासासाठी संधी देण्याची विनंती करीत आहेत.
आसबे परीवाराचे कंदलगाव परीसरातील गावांमध्ये सलोख्याचे संबंध आहेत. त्यामुळे या भागात रमेश आसबे यांना मानणारा मोठा वर्ग असल्याने व सत्ताधारी भाजपकडून त्यांना संधी देण्यात आल्याने मतदारांमध्ये उत्साह दिसून येत आहे. त्यामुळे शनिवारी ”अण्णां” व “ताई”कडून कंदलगावच्या आठवडा बाजारात आलेल्या व्यापारी , महिला व पुरूष मतदारांशी संवाद साधला. कंदलगाव पंचायत समिती मतदारसंघातून निवडून आल्यास कंदलगाव परीसरात विकासाची गंगा आणण्याची ‘अण्णां’कडून देण्यात येत आहे.यावेळी माजी सरपंच शरीफ शेख, आनंद कोले, शेखलाल अतार, चंद्रकांत निंगफोडे, निंगणा डोळे, तुळशीराम पवार, अण्णाराव वाघमारे, सयद गवळी, शिवा नरूटे, सोमनाथ जोकारे, साबा गुरूजी , देवकते सर, महमद अयुम जैनोदीन शेख, म्हाळप्पा कोरे आदी उपस्थित होते.
