डाॅ. उज्वला हविनाळे यांना निवडून आणण्यासाठी डाॅ. हविनाळे मैदानात
हत्तूर…
जिल्हा नियोजन समिती सदस्य असताना गावांच्या विकासासाठी निधी मागितल्यानंतर क्षणाचाही विचार न करता व कोणतीही टक्केवारी न मागता शिफारसपत्र दिला. त्यामुळे हत्तूर जिल्हा परिषद गटात जिल्हा परिषद निधीपेक्षा डीपीडीसी निधीमधून विकास जास्त झाल्याचे सांगत डाॅ. चनगोंडा हविनाळे प्रचारात रंगत आणत आहेत. सूनबाई डाॅ. उज्वला अनिल हविनाळे यांच्या प्रचारासाठी ७३ वर्षीय चनगोंडा हविनाळे हत्तूर जिल्हा परिषद गटातील प्रत्येक गावात सकाळपासूनच प्रचार करताना दिसून येत आहेत. आमदार सुभाष देशमुख व श्री सिध्देश्वर बाजार समितीचे संचालक मनिष भैया देशमुख यांच्या सहकार्यामुळे डाॅ. चनगोंडा हविनाळे यांची जिल्हा नियोजन समिती सदस्यपदी निवड झाल्यानंतर कधीही गटतट, जातपात , गाव व पक्ष न पाहता नागरीकांच्या विकासासाठी शिफारसपत्र दिला. शिवाय पालकमंत्री जयकुमार गोरे व आमदार देशमुख यांच्याकडे पाठपुरावा करून कोट्यावधी रूपयांचा विकासनिधी खर्च केला.
त्यामुळे हत्तूर गटातील प्रत्येक गावात काॅंक्रीट रस्ते, सभागृह, बंदिस्त गटार, समाजमंदिरासह इतर गोष्टीमधून विकास दिसून येत आहे. बरूर मधील हविनाळे कुटुंब समाजकार्याला नेहमी वाहून घेतला असल्याने कधीही टक्केवारीचा विचार केला नाही. हत्तूर व दक्षिण तालुक्याच्या विकासासाठी भाजपच्या डाॅ. उज्वला हविनाळे यांन निवडून देण्याचे आवाहन डाॅ. हविनाळे करीत आहेत.
हत्तूरच्या विकासासाठी “डिपीडीसी” निधी भरभरून दिला
