भंडारकवठेला माॅडेल बनविण्यासाठी भाजपाला साथ द्या…
भंडारकवठे…
दक्षिण सोलापूर तालुक्यात भंडारकवठे जिल्हा परिषद गट भीमा नदीकाठावर वसलेला आहे. या परीसरात बागायत शेतकर्यांची संख्या अधिक आहे. पाच वर्षापूर्वी शेताला जाताना खड्यातून प्रवास करावे लागत होते. मात्र आमदार सुभाष देशमुख यांच्या प्रयत्नाने भाजपा सरकारने कोट्यावधी रूपयांचा निधी उपलब्ध करून दिला आहे. म्हणून उर्वरीत विकास करून भंडारकवठे गटाला राज्यातील ‘माॅडेल’ गट बनविण्याचा संकल्प आहे. म्हणून मतदारांनी भाजपाला बहुमताने निवडून देऊन शेतकर्यांच्या विकासासाठी सहकार्य करण्याचे आवाहन निवृत्त उपअभियंता महेंद्र उंबरजे यांनी केले.
भंडारकवठे जिल्हा परिषद गटातील भाजपा उमेदवार सविता उंबरजे यांच्या प्रचारार्थ औज, लवंगी, कारकल, कूसूर यासह इतर गावात कार्यकर्त्यांची बैठक घेऊन मार्गदर्शन केले. यावेळी औजचे सरपंच कोरके,माजी सरपंच गुरूनाथ कोटलगी, रायप्पा बने, भाजपाचे सुनिल नांगरे, अंकलगी गुरूजी, सिध्दाराम ढंगापूरे यांच्यासह कार्यकर्ते उपस्थित होते.
लवंगीचे माजी सरपंच गुरूनाथ कोटलगी यांनी भंडारकवठेत विकासाची गंगा आणण्यासाठी भाजपा उमेदवार निवडून येणे काळाची गरज आहे. दिल्लीपासून गल्लीपर्यंत भाजपाची सत्ता असल्याने जिल्हा परिषद व पंचायत समितीवर कमळ फुलविण्याचे आवाहन केले.
