वांगी ग्रामस्थांचा भाजपाचे उमेदवार मळसिध्द मुगळे यांना ग्वाही
मंद्रूप…
सप्टेंबर महिन्यात सीना नदीला आलेल्या महापुरामुळे नदीकाठावरील लोकांना आठ दिवस घर व शेती सोडून स्थलांतर व्हावे लागले.त्यामुळे त्यांच्या भोजन व निवासाची समस्या असताना मंद्रूपमधील सामाजिक कार्यकर्ते व भाजपाचे माजी जिल्हा उपाध्यक्ष मळसिध्द मुगळे यांनी महापुर आल्यानंतर दुसर्या दिवसापासून पूरग्रस्तांसाठी भोजन व निवासाची सोय केली. शेतात वस्तीवर राहून अनेक शेतकरी भोजनाच्या प्रतीक्षेत असताना त्यांच्यापर्यंत भोजन पोहोच केला. संकटकाळात नातेवाईकांकडून विचारणा होण्यापूर्वी मुगळे यांचे कार्यकर्ते भोजन घेऊन हजर झाले होते. त्यामुळे पूरग्रस्तांना त्याची जाणिव आहे. चार महिन्यानंतर मुगळे मंद्रूप पंचायत समितीच्या निवडणूकीत भाजपाचे उमेदवार म्हणून मतदारांशी संवाद साधण्यासाठी गेल्यानंतर वांगी व वडकबाळच्या मतदारांमधून ऋण व्यक्त करून त्यांच्या विजयाची खात्री देत आहेत. साहेब, तुमच्या विजयात आमच्या गावाचा सिंहाचा वाटा असेल, अशी ग्वाही देत आहेत.
वांगी ग्रामस्थांनी मुगळे यांच्या सामाजिक कार्याला बळ मिळावे, म्हणून आमदार सुभाष देशमुख यांच्याकडे मुगळे यांना मंद्रूप पंचायत समितीची उमेदवारी देण्याची मागणी केली होती. भाजपाकडून उमेदवारी दिल्यास संपूर्ण वांगी गावातून त्यांना मताधिक्य देणार असल्याचे सांगितले होते.
मळसिध्द मुगळे यांनी ज्ञानयोगी प्रतिष्ठानच्या कार्यकर्त्यांच्या सहकार्याने दररोज सीना नदीकाठावरील आठ ते दहा गावातील हजार ते दीड हजार पूरग्रस्तांसाठी भोजन बनवून प्रत्येक स्थलांतरीतापर्यंत भोजन स्वताच्या वाहनाने पोहोच करायचे. शिवाय मंद्रूपमध्ये आठ दिवस वैद्यकीय उपचारासह निवासाची उत्तम सोय केली. त्यामुळे आठ दिवस पूरग्रस्तांना भोजन व निवासाची कोणतीही अडचण आली नाही.
मळसिध्द मुगळे मंद्रूप पंचायत समिती गणातून भाजपाचे उमेदवार म्हणून निवडणूक लढवित आहेत. उमेदवारी दाखल केल्यानंतर मुगळे वांगी व वडकबाळच्या मतदारांना मतदान करण्याची विनंती केल्यानंतर मतदारांमधून कृतज्ञता व्यक्त करीत सर्व परीने मदत करण्याची ग्वाही मिळत आहे. तसेच यावेळी अनेक ज्येष्ठ मतदारांनी विजयाचे आशीर्वादही दिला .
