सोलापूरच्या हरीभाई देवकरण प्रशालेत विद्यार्थ्यांचे शिस्तबध्द सामूहिक कवायत
सोलापूर…
“राष्ट्रप्रथम” या शासनाच्या संकल्पनेवर आधारित सोलापूर जिल्ह्यामध्ये ७७ व्या प्रजासत्ताक दिन सोहळ्याच्या निमित्ताने सर्व व्यवस्थापनाच्या ४७०२ प्राथमिक व माध्यमिक शाळांमधील ८ ते १० लाख विद्यार्थी व २५ हजार पेक्षा जास्त शिक्षकांनी राष्ट्रभक्तीपर गीतांवर आधारित सामुहिक कवायत संचलनाचा उपक्रम यशस्वीपणे पार पाडला. सोलापूर येथील हरिभाई देवकरण प्रशालेच्या प्रांगणात या कवायतीचा मुख्य समारोह संपन्न झाला. यामध्ये शहरातील विविध शाळांमधील ५ हजारपेक्षा जास्त विद्यार्थ्यांनी सहभाग नोंदविला. या दिमाखदार सोहळ्याचे उद्घाटन जिल्हा परिषदेचे मुख्य कार्यकारी अधिकारी कुलदिप जंगम यांच्या हस्ते पार पडला.
यावेळी सचिन जगताप माध्यमिक शिक्षणाधिकारी सचिन शेख, प्राथमिक शिक्षणाधिकारी कादर शेख, शिक्षणाधिकारी, योजना विभाग सुलभा वठारे, महानगरपालिका मुख्य लेखाधिकारी डॉ. रत्नराज जवळगेकर, प्रशासन अधिकारी मल्हारी माने , उपशिक्षणाधिकारी विठ्ठल ढेपे , मनपा शिक्षण मंडळाचे सर्व पर्यवेक्षक, माध्यमिक शाळांमधील सर्व मुख्याध्यापक, शिक्षक व विद्यार्थी उपस्थित होते. या कार्यक्रमाचा हेतू विद्यार्थ्यांमध्ये राष्ट्रभक्ती, एकता आणि अनुशासन व विकसित भारताप्रती विद्यार्थ्यांचे योगदानाबाबत सजगता निर्माण करणे हा होता.
माध्यमिक शिक्षण विभागाचे शिक्षणाधिकारी सचिन जगताप यांनी शासनाच्या आदेशानुसार संपूर्ण जिल्ह्यात सामूहिक कवायत कार्यक्रम यशस्वी केल्याबद्दल प्रशासनाकडून त्यांचे कौतुक होत आहे. विद्यार्थ्यांमध्ये शिस्त आणि राष्र्टभक्तीसाठी चांगला उपक्रम असल्याचे सांगून शिक्षणाधिकार्यांच्या नियोजनाचे कौतुक होत आहे.
