माजी सभापती गुरूसिध्द म्हेत्रे काॅंग्रेसच्या प्रचारात सक्रीय
मंद्रूप…
मंद्रूपचा आखाडा म्हणल कि माजी सभापती गुरूनाथ म्हेत्रे यांचे नाव आल्याशिवाय राहत नाही. मग ते कुस्तीचे असो अथवा राजकीय आखाडा. आता याच राजकीय आखाड्यात माजी सभापती गुरूनाथ म्हेत्रे यांची एंट्री झाल्याने विरोधकांची खैर नाही. मंद्रूपचे मुलुख मैदान तोफ म्हणून त्यांची ओळख असून गुरू मामा आता पुतण्या व काॅंग्रेसचे उमेदवार अनंत म्हेत्रे यांच्या प्रचारासाठी पंचायत समिती निवडणूकीत उतरले आहेत. त्यामुळे त्यांच्या भाषणातून विरोधकांवर विकासात्मक टिका होणार असल्याने मतदारांमध्ये त्यांच्या भाषणाची प्रतीक्षा आहे. मामा कार्यकर्त्यांचा लवाजमा घेऊन मतदारांना अनंत हेत्रे यांना निवडून देण्याची विनंती करीत आहेत.
पुतण्या अनंत म्हेत्रे याला निवडून आणल्याशिवाय स्वस्त बसणार नाही, असा ‘पण’ करून गुरू मामा निवडणूकीच्या आखाड्यात उतरले आहेत. ‘मामां’ना खासदार ‘ताई’ यांची खंबीर साथ असल्याने सत्ताधारी व विरोधी पक्षाच्या उमेदवाराविरूध्द त्यांची तोफ धडाडणार आहे. त्यामुळे उमेदवार अनंत म्हेत्रे यांचा विजयाचा मार्ग सुकर होणार आहे.
मंद्रूपचं राजकारण म्हणले कि मामांच्या भाषणाची चर्चा झाल्याशिवाय राहत नाही. अपवाद वगळता मामा नेहमी काॅंग्रेसच्या सोबत राहून विजयात सिंहाचा वाटेकरी ठरले आहेत. त्यामुळे मंद्रूपच्या विकासात भरीव योगदान म्हणून मामांची चर्चा होते. आता गुरूमामांनी काॅंग्रेसचे उमेदवार व पुतण्या अनंत म्हेत्रे यांच्या विजयासाठी शक्ती लावली असून अनंत निवडून आल्याशिवाय राहणार नाही, मग विरोधी उमेदवार कुणीही अशी , गर्जना करताना दिसून येत आहेत. प्रचार शुभारंभप्रसंगी मामानी अर्जूनराव टेळे, मोतीराम चव्हाण, सुरेश पाटील, चंद्रकांत ख्याडे, जगनाथ म्हेत्रे, प्रदीप ख्याडे, पंडीत हिरेमठ, पिरप्प्पा म्हेत्रे, महमद शेख यांना सोबत घेऊन निवडणूकीचे रणनिती आखत आहेत.त्यामुळे गुरूमामा यांना काका म्हणून राजकारणात एंट्री केलेल्या अनंत म्हेत्रे यांची विजयाकडे घोडदौड सुरू असल्याचे सांगण्यात येत आहे.
