अनंंत म्हेत्रे यांचा होम टू होम प्रचार
मंद्रूप…
मंद्रूप पंचायत समिती गणातील काॅंग्रेसचे उमेदवार अनंत म्हेत्रे व जिल्हा परिषदेच्या उमेदवार सनाकौसर शेख यांनी मतदारांच्या गाठीभेटी घेत होम टू होम प्रचार सुरू केला आहे. निवडून दिल्यास मतदारसंघात विकासाची गंगा आणणार असल्याचे सांगत अनंत म्हेत्रे हे मतदारांशी संवाद साधत आहेत. अनंत म्हेत्रे यांनी मंद्रूप, वांगी, वडकबाळ व बसवनगर येथे होम टू होम प्रचार करून प्रचारात आघाडी घेतली आहे. प्रदीप ख्याडे यांच्यासह तरूणांची फौज घेऊन ज्येष्ठांना मतदान करून निवडून देण्याची विनंती करीत आहेत. तरूण व विकासाची ध्यास असणार्या अनंत म्हेत्रे यांना मतदारांकडून निवडून देण्याची ग्वाही देण्यात येत असल्याने म्हेत्रेंचा उत्साह वाढला आहे.
काॅंग्रेसकडून उमेदवारी निश्चित झाल्यापासून अनंत म्हेत्रे यांनी मतदारसंघातील वाड्या वस्त्यांवर जाऊन मतदारांच्या अडीअडचणी जाणून घेतल्या. तसेच पंचायत समिती निवडणूकीत निवडून दिल्यास मिळणार्या निधीतून व खासदार प्रणिती शिंदे यांच्या निधीमधून विकास करण्याची ग्वाही देत मतदारांचे मनपरीवर्तन करीत आहेत. त्यामुळे मंद्रूप पंचायत समिती गणातून अनंत म्हेत्रे चमत्कार करणार असल्याची चर्चा सुरू आहे.
