कंदलगावात आमदार सुभाष देशमुख यांच्या हस्ते प्रचार शुभारंभ
कंदलगाव …
केंद्रात व राज्यात भाजपाचे सरकार असल्याने विविध योजनांमधून कोट्यावधी रूपयांच्या निधीमधून विकासकामे केली आहेत. दक्षिणमधील मतदारांचा सेवक म्हणून विकासाची गंगा आणली असून यापुढेही मतदारांच्या सेवेसाठी भाजपाचे उमेदवार सदैव तत्पर असणार आहेत. त्यामुळे भाजपाने केलेल्या विकासकामांमुळे कंदलगाव जिल्हा परिषद गटातून सोनाली कडते व पंचायत समिती गणातून प्रियांका आसबे यांचे विजय निश्चित असल्याचे प्रतिपादन आमदार सुभाष देशमुख यांनी दिली.
कंदलगाव जिल्हा परिषद गट व पंचायत समिती गणासाठी भाजपच्या निवडणूक प्रचाराचा शुभारंभ मोठ्या उत्साहात पार पडला. कंदलगाव जिल्हा परिषद गटाच्या उमेदवार सोनाली कडते व पंचायत समिती गणाच्या उमेदवार प्रियांका आसबे यांच्या प्रचाराचा शुभारंभ आमदार सुभाष देशमुख यांच्या हस्ते ग्रामदैवताच्या चरणी नारळ वाढवून करण्यात आला.
कंदलगाव येथील श्री केदारेश्वर, बिरलिंगेश्वर व महालिंगेश्वर मंदिरात विधीवत पूजन करून प्रचारास सुरुवात करण्यात आली. आमदार सुभाष देशमुख यांच्या प्रचार दौर्यामुळे कंदलगाव परिसरात निवडणुकीचे वातावरण तापले असून कार्यकर्त्यांमध्ये उत्साह संचारला आहे.
या प्रसंगी कंदलगावच्या सरपंच शारदाताई कडते, उद्योजक रमेश आसबे, प्रशांत कडते,भाजपचे तालुकाध्यक्ष संगप्पा केरके, मनगोळीच्या सरपंच तेजश्री गायकवाड, उपसरपंच अमित नरुटे, माजी सरपंच शरीफ शेख, विंचूरचे सरपंच बाळासाहेब पाटील यांच्यासह भाजपचे नेते यतीन शहा, हणमंत कुलकर्णी, विजय कुलकर्णी, तुळशीराम पवार, चंद्रकांत निंगफोडे, सुभाष कडते, आनंदराव कोले तसेच माजी सरपंच बाबासाहेब पाटील, समाधान घंटे, शिवानंद होनराव, गजीनाथ शेजाळ, प्रकाश कोरे, परमेश्वर सुरवसे, नितीन रणखांबे, संजय गायकवाड, ब्रम्हदेव सलगरे, सुखदेव गावडे आदी उपस्थित होते.
