निवडून दिल्यास मतदारसंघाचा कायापालट करू
निंबर्गी …
निंबर्गी पंचायत समिती गणातील काँग्रेसच्या उमेदवार श्रुती चंद्रशेखर गायगवळी यांनी प्रचाराचा धडाका सुरू केला असून प्रत्येक मतदारांपर्यंत पोहोचून सत्ता परीवर्तनाचे भागिदार होण्याची विनंती करीत आहेत. मतदारांनी निवडून दिल्यास या भागाचा कायापालट करू अशी ग्वाही मतदारांना देत आहेत. श्रुती गायगवळी या तरुण, तडफदार व विकासासाठी झटणाऱ्या चंद्रशेखर गायगवळी यांच्या पत्नी आहेत.
श्रुती गायगवळी या निंबर्गी कारकल, औज , चिंचपूर व टाकळी या गावातील मतदारांपर्यंत पोहोचून विकासाची ब्लूप्रिंट सादर करून मतदारांची मने जिंकत आहेत.
तसेच मतदारांनी कुठल्याही अमिषाला बळी न पडता देशाच्या विकासात हातभार लावलेल्या काँग्रेसच्या उमेदवाराला निवडून देण्याचे आवाहनही करीत आहेत. तरुणांच्या सहकार्याने व ज्येष्ठांच्या मार्गदर्शनानुसार मतदारसंघाचा काम करणार असल्याचे सांगत आहेत. त्यामुळे मतदारांकडून त्यांना चांगला प्रतिसाद मिळत आहे. प्रचारातील आघाडी पाहून श्रुती गायगवळी यांना मतदारांकडून विजयाची ग्वाही देण्यात येत आहे.
