‘लिंकिंग’ केल्यास दुकानदारांविरोधात गुन्हा दाखल
तालुका कृषी अवधूत मुळे यांचा इशारा
दक्षिण सोलापूर…
शेतकऱ्यांनी रासायनिक खतासाठी दुकानदारांकडून कोणत्याही प्रकारचे लिंकींग घेऊ नये. दुकानदारांनी लिंकींगची सक्ती केल्यास कृषी विभागाशी संपर्क साधावे. तसेच दुकानदारांकडून पक्के बिल घ्यावे. रासायनिक खतांसोबत इतर उत्पादने घेण्याची सक्ती होत असल्यास तत्काळ कृषी विभागाकडे तक्रार करावी. कृषी विभाग दक्ष असून शेतकर्यांची तक्रार आल्यास चौकशी करून विक्रेत्यांवर कारवाई करणार असल्याचे दक्षिण सोलापूर तालुका कृषी अधिकारी अवधूत मुळे यांनी सांगितले.
सध्या सर्वत्र खरीप हंगामाची तयारी सुरू आहे. पाऊस पडल्यानंतर खताची टंचाई होणार असल्याचे सांगत शेतकरी खतासाठी हेलपाटे मारत आहेत. शिवाय ऊस उत्पादक शेतकर्यांकडून खताची मागणी अधिक आहे. त्यामुळे पेरणीपूर्व तयारी म्हणून शेतकरी खत खरेदी करीत आहेत. मात्र दुकानात खत नसल्यामुळे दुकानदारां कडून लिंकींग सक्ती करीत आहेत . अनुदानित खत खरेदी करताना शेतकऱ्यांवर विनाअनुदानित खते, सूक्ष्म अन्नद्रव्ये, जैवखते किंवा जैव उत्तेजक घेण्याची सक्ती केल्यास संबंधित विक्रेत्यांवर थेट पोलीस कारवाईसह परवाना रद्द करण्याचा इशारा दक्षिण सोलापूर तालुका कृषी अधिकारी अवधूत मुळे यांनी दिला.
लिंकिंगच्या प्रकारांवर नियंत्रण ठेवण्यासाठी भरारी पथकांद्वारे दुकानांची तपासणी करण्यात येत आहे. शेतकऱ्यांना तक्रार करणे सुलभ व्हावे यासाठी क्यूआर कोडची सुविधा उपलब्ध करून देण्यात आली आहे. या क्यूआर कोडद्वारे नोंदविलेली तक्रार थेट वरिष्ठ प्रशासनापर्यंत पोहोचणार आहे. आवश्यक असलेले अनुदानित खत देताना अतिरिक्त उत्पादने खरेदी करण्यासाठी दबाव आणला जात असल्याच्या तक्रारी वाढल्यानंतर शासनाने कारवाईचा निर्णय घेतला आहे. शेतकऱ्यांना आवश्यक तेवढेच खत घेण्याचा अधिकार असून कोणत्याही प्रकारची सक्ती सहन केली जाणार नसल्याचे तालुका कृषी अधिकारी मुळे यांनी सांगितले .
….
थेट संपर्क साधा
..,,
दुकानदाराकडून लिंकींगची सक्ती होत असेल तर शेतकर्यांनी थेट तालुका कृषी अधिकारी कार्यालयाशी संपर्क साधावे. त्या दुकानदारांवर गुन्हा दाखल करून परवाना रद्द करणार असल्याचे तालुका कृषी अधिकारी अवधूत मुळे यांनी सांगितले.
__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
