कोळी महासंघातर्फे सोलापूर जिल्हाधिकारी कार्यालयासमोर धरणे आंदोलन
सोलापूर, : महाराष्ट्र राज्यातील अनुसूचित जमातीतील प्रवर्गातील कोळी महादेव, मल्हार कोळी, टोकरे कोळी, डोंगर कोळी व ढोर कोळी घ्या समाज बांधवांना जातीचे दाखले व जात वैधता प्रमाणपत्र सुलभरीत्या मिळण्याकरिता तसेच रक्त नात्यातील नातेवाईकांना जात वैधता प्रमाणपत्र सुलभरित्या मिळण्याकरिता कोळी महासंंघाच्या वतीने जिल्हाधिकारी कार्यालया समोर धरणे आंदोलन करण्यात आले.
महाराष्र्टाचे तात्कालीन मुख्यमंत्री यांच्या अध्यक्षतेखाली दिनांक 20 ऑक्टोबर 2023 रोजी बैठक पार पडली होती. या बैठकीला अनेक मंत्री खासदार,आमदार व वरिष्ठ अधिकारी व आदिवासी कोळी समाजाचे शिष्टमंडळ/ प्रतिनिधी यांचा उपस्थित होते.
यावेळी आदिवासी कोळी समाजाच्या विविध प्रलंबित मागण्यांवर तसेच विविध जिल्ह्यांमध्ये होणाऱ्या अन्नत्या उपोषणामध्ये, आंदोलनमध्ये होत असलेल्या जातीच्या दाखल्याची व जात प्रमाणपत्राची प्रामुख्याने चर्चा करून त्यांच्या मागण्यांवर सकारात्मक निर्णय घेण्यात आला.
मात्र दोन वर्षाचा कालावधी उलटले तरी अंमलबजावणी करण्यास सरकारकडून दिरंगाई होत असल्याने आदिवासी कोळी समाजामध्ये तीव्र नाराजीची भावना निर्माण झाली आहे. कोळी महासंघाचे राष्ट्रीय अध्यक्ष माजी आमदार रमेश पाटील यांच्या नेतृत्वाखाली या विषयाच्या सातत्याने पाठपुरवठा करण्यात येत असून 20 ऑक्टोबर 2023 रोजी झालेल्या बैठकीच्या निर्णयाची/इतिवृत्ताची तात्काळ अंमलबजावणी व्हावी व शासनाने आवश्यक ते परिपत्रक काढावे याकरिता महाराष्ट्र राज्यात एकाच वेळीस सर्व जिल्हाधिकारी कार्यालयावर धरणे आंदोलन व निवेदन देण्याकरता कोळी महासंघाचे प्रमुख पदाधिकारी उपस्थित होते.
पावसाळी अधिवेशनामध्ये आदिवासी कोळी समाजाचा प्रश्न मार्गी न लावल्यास संपूर्ण महाराष्ट्रभर माजी आमदार रमेश पाटील यांच्या नेतृत्वाखाली कोळी महासंघ तीव्र आंदोलन सुरू करणार असल्याची माहिती महासंघाचे युवा प्रदेशाध्यक्ष ॲड.चेतन पाटील यांनी दिली त्यांच्यासोबत कोळी महासंघाचे जिल्हाध्यक्ष संतोष पाटील, ऋषी लोणारी, कार्याध्यक्ष शंभू माने, शहरअधक्ष अप्पासाहेब हिप्परगे, अजय माने, नरसप्पा केचकर, काशीनाथ शिरसीकर, नितीन वालीकर , कपील कोळी, चंद्रकांत टक्के, .नागेश कोळी , आनंद बिराजदार, रोहित हुमनाबादकर, सिद्धार्थ कोळी सोनेगाव, ओंकार हुमनाबादकर, नागेश कोळी वकील, नितीन होनकूबडे, सतीश घंटे, नरेश मायनाळ, राजकुमार बिराजदार कोळी, सुरेश जमादार, सातलीग कोळी ,चंद्रकांत कोळी , चंद्रकांत. नायकोडी, रवी कोळी यांच्यासह कोळी बांधव उपस्थित होते.
