सहा महिन्यासाठी विस्तार अधिकारी यांचे प्रशासक राज्य
सोलापूर :
जिल्ह्यातील मुदत संपलेल्या ग्रामपंचायतींच्या निवडणुका वेळेत न झाल्याने अखेर जिल्ह्यात “प्रशासक राज” सुरू झाले आहे. जिल्ह्यातील तब्बल ६६४ ग्रामपंचायतींचा कारभार विविध विभागाच्या विस्तार अधिकाऱ्यांकडे सोपवण्यात आला आहे. याबाबतचा आदेश जिल्हा परिषदेचे मुख्य कार्यकारी अधिकारी कुशल जैन यांनी काढला आहे. शासनाच्या निर्देशानुसार, पंचवार्षिक मुदत संपलेल्या आणि यापूर्वी प्रशासक असलेल्या जिल्ह्यातील ६६४ ग्रामपंचायतींवर नव्या प्रशासकांची नियुक्ती करण्यात आली आहे. सीईओ जैन यांच्या आदेशानुसार विस्तार अधिकारी, सहाय्यक गटविकास अधिकारी, पर्यवेक्षिका, शिक्षण विस्तार अधिकारी, शाखा अभियंता यांच्यासह विविध विभागातील अधिकाऱ्यांची प्रशासक म्हणून नियुक्ती करण्यात आली आहे.
मुदत संपल्याने पुढील सहा महिन्यांसाठी हा कारभार अधिकाऱ्यांकडे राहणार आहे.
निवडणुका लांबल्याने आता गावचा कारभार लोकप्रतिनिधींकडून अधिकाऱ्यांकडे गेला असल्याने ग्रामीण राजकारणात चर्चेला उधाण आले आहे.
….
दक्षिणमध्ये ५२ गावांत प्रशासक
…
दक्षिण बीडीओ मनोज राऊत यांनी तालुक्यातील ५२ ग्रामपंचायतींमध्ये प्रशासक नियुक्त केले आहेत. यामध्ये ग्रामपंचायत, शिक्षण, कृषी, सांख्यिकी विभागाचे विस्तार अधिकारी तसेच एकात्मिक बाल विकास योजनेच्या विस्तार अधिकाऱ्यांचा समावेश आहे.
…
* नवप्रभात न्यूज पोर्टल *
*बातम्या व जाहिरातीसाठी संपर्क करा -*
*संपादक :- अमोगसिद्ध मुंजे*
*मो. 9423535294
