वीरशैव समाजातील विविध मान्यवरांची राहणार उपस्थिती
सोलापूर.. वीरशैव लिंगायत समाजातील विवाहेच्छुक तरुण-तरुणींसाठी रविवार २७ सप्टेंबर रोजी सोलापुरात भव्य वधू-वर परिचय मेळाव्याचे आयोजन करण्यात आले आहे. जुळे सोलापूर येथील गोविंदश्री मंगल कार्यालय येथे सकाळी ९ ते दुपारी ४ या वेळेत हा मेळावा होणार असल्याची माहिती संयोजक इरण्णा पनशेट्टी यांनी दिली. या मेळाव्याचे उद्घाटन आळंद तालुक्यातील निरगुडी येथील श्री श्री श्री हवा मल्लिनाथ महाराज यांच्या हस्ते होणार असून, कार्यक्रमाच्या अध्यक्षस्थानी आमदार सचिन कल्याणशेट्टी राहणार आहेत. या सोहळ्याला कोल्हापूरचे न्यायाधीश विष्णुदास दासरी, संजीवनी मल्टिस्टेट हॉस्पिटलचे अध्यक्ष डॉ. श्रीकांत माकम, सिद्धेश्वर साखर कारखान्याचे संचालक राजशेखर पाटील, शिवानंद पाटील, सुरेश झळकी, स्वामी समर्थ साखर कारखान्याचे अध्यक्ष संजीव पाटील, जि.प. सदस्य विकास बुळ्ळा, माजी नगरसेवक शिवलिंग कांबळे, तडवळचे उपसरपंच भीमण्णा ग्वाड्याळ, प्रगतिशील शेतकरी अण्णाराव याबाजी, साधू पाटील यांच्यासह समाजातील अनेक मान्यवर उपस्थित राहणार आहेत.
सध्या अनेक वधू-वर मंडळे व्यावसायिक झाली असताना, इरण्णा पनशेट्टी यांनी हवा मल्लिनाथ महाराज यांच्या आशीर्वादाने पूर्णपणे मोफत वधू-वर मंडळ सुरू केले आहे. व्हॉट्सॲप ग्रुपच्या माध्यमातून त्यांनी विवाहेच्छुक आणि त्यांच्या कुटुंबीयांना एकत्र आणले. या उपक्रमातून आतापर्यंत शेकडो रेशीमगाठी जुळल्या आहेत.
कोणताही आर्थिक भार न घेता, गरीब-श्रीमंत सर्वांना समान संधी मिळावी हा यामागचा उद्देश आहे. सोलापुरातील हा चौथा मेळावा असून, विवाहेच्छुक वधू-वर आणि पालकांनी मोठ्या संख्येने उपस्थित राहावे, असे आवाहन पनशेट्टी यांनी केले आहे.
____________________
* नवप्रभात न्यूज पोर्टल *
*बातम्या व जाहिरातीसाठी संपर्क करा -*
*संपादक :- अमोगसिद्ध मुंजे*
*मो. 9423535294
