माजी उपमहापौर राजेश काळे यांचे ब्राम्हण समाजासाठी भरीव योगदान
सोलापूर.. माजी उपमहापौर राजेश काळे यांनी सर्वसमाज घटकांना सोबत घेऊन विकासकामे करताना ब्राम्हण समाजासाठी सामाजिक, शैक्षणिक व आर्थिक विकासासाठी त्यांनी एक ऐतिहासिक पाऊल उचलले. परशुराम वित्त महामंडळ, उद्यानाला आनंदीबाई जोशी नाव देणे यासह विविध माध्यमातून समाजासाठी भरीव काम केला आहे.
परशुराम वित्त महामंडळाचा प्रस्ताव
ब्राह्मण समाजातील तरुणांना शिक्षण, स्वयंरोजगार, उद्योग व कौशल्य विकासासाठी आर्थिक पाठबळ मिळावे, यासाठी परशुराम वित्त महामंडळाचा प्रस्ताव महाराष्ट्रात सर्वप्रथम सोलापूर महानगरपालिकेच्या सभागृहात माजी उपमहापौर राजेश काळे यांनी मांडला. हा प्रस्ताव सर्वसाधारण नव्हता, तर ब्राह्मण समाजाच्या दीर्घकालीन प्रगतीचा दूरदृष्टीने विचार करून तयार करण्यात आला होता. त्यांच्या प्रभावी मांडणीमुळे व सातत्यपूर्ण पाठपुराव्यामुळे हा प्रस्ताव एकमताने मंजूर करण्यात आला. यामुळे ब्राह्मण समाजातील अनेक तरुणांसाठी विकासाचे नवे दालन खुले झाले.
जानकी नगर उद्यानास आनंदीबाई जोशी यांचे नाव देण्याचा ऐतिहासिक निर्णय
प्रभाग क्रमांक 24 मधील जानकी नगर उद्यानास भारतातील पहिल्या महिला डॉक्टर, क्रांतिकारक व प्रेरणास्थान असलेल्या आनंदीबाई गोपाळराव जोशी यांचे नाव देण्यात यावे, हा प्रस्तावही माजी उपमहापौर राजेश काळे यांनी सोलापूर महानगरपालिकेच्या सभागृहात मांडला. महिलाशिक्षण, समाजसुधारणा व ब्राह्मण समाजाच्या गौरवशाली परंपरेचा सन्मान या उद्देशाने मांडलेल्या या प्रस्तावाला देखील सभागृहाची मंजुरी मिळाली. यामुळे एका ऐतिहासिक व्यक्तिमत्त्वाचे नाव सार्वजनिक ठिकाणी अजरामर झाले.
ब्राह्मण समाजाच्या सामाजिक, शैक्षणिक व ऐतिहासिक योगदानाची योग्य ती दखल शासनदरबारी घेतली जावी, समाजाच्या कार्याची अधिकृत नोंद व्हावी, यासाठी माजी उपमहापौर राजेश काळे यांनी सातत्याने पाठपुरावा केला. सभागृहात विषय मांडणे, प्रशासनाशी संवाद, विविध पातळ्यांवर समन्वय साधणे अशा माध्यमातून त्यांनी अथक परिश्रम घेतले.
माजी उपमहापौर राजेश काळे यांचे कार्य केवळ प्रस्ताव मांडण्यापुरते मर्यादित नव्हते, तर समाजाच्या भविष्याचा विचार करून उचललेली ठोस पावले होती. ब्राह्मण समाजातील तरुणांना संधी, समाजाला सन्मान आणि इतिहासाला योग्य स्थान मिळवून देण्याचे काम त्यांनी प्रामाणिकपणे व प्रभावीपणे केले. त्यामुळे सर्वसमावेशक व सर्वांगिण विकासासाठी प्रभाग २४ मधील शिवसेनेचे अधिकृत अनुसूचित जमाती महिला प्रवर्गातील उमेदवार उषा राजेश काळे यांना निवडून देण्याचे आवाहन केले.
