औजचे सुपुत्र आयपीएस अधिकारी सलमानताज पाटील यांची उत्तर प्रदेश येथील पोलीस विभागात उपमहानिरीक्षक पदावर पदोन्नती
सोलापूर : दक्षिण सोलापूर तालुक्यातील औज (मं.)चे सुपुत्र आणि उत्तर प्रदेश आयपीएस अधिकारी सलमानताज जाफरताज पाटील यांची उत्तर प्रदेश येथे उपमहानिरीक्षक (DIG) या महत्वाच्या पदोन्नती झाली आहे. यापूर्वी केंद्रीय गुप्तहेर प्रशिक्षण संस्था (CDTI), हैदराबाद च्या संचालकपदी (Director) नियुक्ती करण्यात आली होती . सलमानताज पाटील यांच्या पदोन्नतीमुळे दक्षिण तालुक्यासह औज गाव व पाटील परीवाराचे सर्वत्र कौतुक होत आहे.
सलमान ताज पाटील यांनी २ जून २०२५ रोजी हैदराबाद येथील CDTI चे संचालक म्हणून पदभार स्वीकारला होता त्यांच्या मार्गदर्शनाखाली सध्या विविध राज्यांतील पोलीस अधिकाऱ्यांसाठी सायबर सुरक्षा, नवीन फौजदारी कायदे आणि दहशतवाद विरोधी प्रशिक्षणाचे आयोजन केले जात होते. आता त्यांची थेट उत्तर प्रदेश पोलीस राज्याच्या उपमहानिरीक्षक (DIG) पदावर नियुक्ती करण्यात आली आहे. सलमानताज पाटील यांनी दुसऱ्या प्रयत्नात UPSC परीक्षेत यश संपादन केले होते. ते सोलापूर शहरातील पहिले मुस्लिम आयपीएस अधिकारी ठरले आहेत. तसेच सोलापूर येथील सेंट जोसेफ हायस्कूल येथे त्यांचे प्राथमिक व माध्यमिक शिक्षण व इंजिनरिंग झाल्यावर यूपीएससी परीक्षेत यश संपादन केले. त्यांचे वडील जाफरताज पाटील औज येथील रहिवाशी आहेत. ग्रामीण भागातील तरूणांनी स्पर्धा परीक्षा देताना सलमानताज पाटील यांचे आदर्श नजरेसमोर ठेवण्याची गरज आहे.
