मजरेवाडी परिसरात राष्र्टवादी काॅंग्रेसची पदयात्रा
होम टू होम प्रचार दौर्याला उत्स्फूर्त प्रतिसाद
सोलापूर… सोलापूर महानगर पालिकेच्या निवडणूकीत प्रभाग क्रमांक २५ मधील
उमेदवारांचा ‘होम टू होम’ प्रचार सुरू असून मजरेवाडी मतदारांकडेन पदयात्रेला मोठा प्रतिसाद मिळत असल्याचे पाहायला मिळत आहे. राष्ट्रवादी काँग्रेस अजित पवार गटाचे उमेदवार वैभव हत्तुरे, सुरेखा काळे आणि सुकेशनी गंगोडा यांनी प्रभागातील विविध भागांत मतदारांच्या गाठीभेटी घेतल्या. मजरेवाडीसह छत्रपती नगर, बेडर कनय्या नगर, तात्या पार्क, कस्तुरबा बाग आणि नवोदय नगर या भागात ही पदयात्रा काढण्यात आली होती. यावेळी उमेदवारांनी घरोघरी जाऊन नागरिकांशी संवाद साधला आणि त्यांच्या समस्या जाणून घेतल्या.
या प्रचार रॅलीत राष्ट्रवादी काँग्रेस अजित पवार गटाचे पदाधिकारी, कार्यकर्ते आणि स्थानिक नागरिक मोठ्या संख्येने सहभागी झाले होते. हातात पक्षाचे झेंडे आणि विकासाच्या घोषणा देत कार्यकर्त्यांनी परिसर दणाणून सोडला होता. “भागाच्या सर्वांगीण विकासासाठी आम्ही कटिबद्ध आहोत,” असा विश्वास यावेळी उमेदवारांनी मतदारांना दिला.
मजरेवाडी आणि आसपासच्या परिसरात मिळालेला प्रतिसाद पाहता, प्रभाग २५ मध्ये राष्ट्रवादी काँग्रेस अजित पवार गटाने आपली पकड घट्ट केल्याचे दिसून येत आहे. या पदयात्रेमुळे निवडणुकीतील चुरस आणखी वाढली असून, आगामी काळात प्रचाराचा जोर अधिक वाढण्याची शक्यता आहे.
