मंद्रूप.,.
सालाबाद प्रमाणे याही वर्षी पीर शेख साहेब व शेख सालार उरूस निमित्त विविध कार्यक्रमाचे आयोजन करण्यात आले आहे. राजेश देशमुख यांच्या अध्यक्षतेखाली व पीर शेख साहेब ट्रस्ट अध्यक्ष शब्बीर मुल्ला यांच्या मार्गदर्शनाखाली तसेच मंद्रूपचे तहसीलदार विष्णू बुटे व पोलीस निरीक्षक शंकर पटवारी, सरपंच अनिता कोरे व उपसरपंच भगवान व्हनमाने यांच्या उपस्थितीत विविध कार्यक्रम संपन्न होणार आहेत.
गुरुवार ७ मे रोजी रात्री संदल मिरवणूक व दिवसभर कलगीतुर्यांची गाणे होणार आहेत . आलमेलचे बसवराज तळवार व जमखंडीचे दुर्गादेवी यांच्यात कलगीतुर्यांच्या गाण्यांचा स्पर्धा होणार आहे. शुक्रवार ८ मे रोजी सकाळी कलगी तुर्यांचे गाणे तर माजी सभापती गुरूसिध्द म्हेत्रे यांच्या मार्फत दिवसभर महाप्रसाद वाटप होणार आहे .रात्री गलिफ मिरवणूक काढण्यात येणार आहे . तर शनिवार ९ मे रोजी सकाळी कलगी तुर्यांची गाणे होणार आहेत. दिवसभर इरण्णा डूम यांच्याकडून महाप्रसाद वाटप करण्यात येणार आहे. दुपारी चार वाजता जंगी कुस्त्यांचे मैदान भरविण्यात येणार आहे . यावेळी जंगी कुस्त्या स्पर्धा होणार असून हिंदकेसरी व महाराष्ट्र केसरी सिकंदर शेख व महान भारत केसरी मुसा खान यांच्यात तीन लाख ईनामाची कुस्ती होणार आहे. यावेळी कै.खंडू वाघमोडे यांच्या स्मरणार्थ विजेत्या पैलवानांना मानाची गदा भेट देण्यात येणार आहे . यावेळी जामगावचे महाराष्ट्र चॅम्पियन बिरुदेव बनसोडे व बेनापूरचे इंटरनल नॅशनल चॅम्पियन नाथा पवार तसेच कोल्हापूरचे सोहेल शेख व बेनापूरचे महाराष्ट्र चॅम्पियन प्रथमेश पाटील यांच्यात प्रत्येकी ५१ हजार रुपयांची कुस्ती स्पर्धा रंगणार आहे. नामांकीत पैलवान व सीआयएसएफ पोलीस सुनील टेळे व यात्रा कमिटी सदस्य इम्रान मुल्ला यांच्या संयोजना कुस्ती संपन्न होणार आहे . नितीन टेळे, संतोष बरुरे, सिकंदर आवटे, जावेद तांबोळी , अप्पू शिळ्ळे कुस्तीसाठी प्रयत्न करीत आहेत. तरी भाविकांनी या कार्यक्रमाचे लाभ घेण्याचे आवाहन ट्रस्टी इमरान मुल्ला यांनी केला आहे.
