मुख्यमंत्री देवेंद्र फडणवीस यांचे सोलापूरकरांना अभिवचन
सोलापूर…
पंतप्रधान नरेंद्र मोदी यांनी देशातील महिलांना लखपती दीदी करण्यासाठी पुढाकार घेतला आहे. त्यामुळे राज्यात ५० लाख महिला लखपती दीदी बनल्या असून आगामी चार महिन्यात एक करोड लाडक्या बहिणी लखपती दीदी होणार आहेत. म्हणून यापुढे सोलापूरला आल्यानंतर पालकमंत्री , आमदार, नगरसेवक यांना विकासकामां आधी लखपती दीदी संख्या विचारणार असल्याचे प्रतिपादन मुख्यमंत्री देवेंद्र फडणवीस केले . त्यामुळे महानगरपालिकेवर भाजपाची सत्ता आल्यावर सोलापूरात लखपती दीदीमध्ये वाढ करण्यासाठी लोकप्रतिनिधींना झटावे लागणार आहे. मुख्यमंत्री देवेंद्र फडणवीस यांना लखपती दीदी वाढल्याचा हिशोब द्यावा लागणार आहे. सोलापूर महानगरपालिकेतील भाजपा उमेदवारांच्या प्रचारार्थ मुख्यमंत्री फडणवीस यांची हरीभाई देवकरण प्रशाला येथे प्रचारसभा झाली.
यावेळी पालकमंत्री जयकुमार गोरे, आमदार विजयकुमार देशमुख, आमदार सुभाष देशमुख, आमदार सचिन कल्याणशेट्टी, आमदार देवेंद्र कोठे, आमदार समाधान अवताडे, अण्णासाहेब पाटील आर्थिक विकास महामंडळाचे अध्यक्ष नरेंद्र पाटील, माजी खासदार डॉ. जयसिद्धेश्वर महास्वामी, माजी आमदार दिलीप माने, माजी आमदार प्रशांत परिचारक, माजी आमदार राम सातपुते, माजी आमदार राजेंद्र राऊत, माजी आमदार नरसिंग मेंगजी, भाजपच्या शहराध्यक्षा रोहिणी तडवळकर, भाजपचे जिल्हाध्यक्ष (पूर्व) शशिकांत चव्हाण, जिल्हाध्यक्ष (पश्चिम) चेतनसिंह केदार, माजी जिल्हाध्यक्ष शहाजी पवार उपस्थित होते.
मुख्यमंत्री देवेंद्र फडणवीस यांनी ग्रामदैवत श्री सिद्धरामेश्वरांचे दर्शन बाराबंदी पोशाखात दर्शन घेतले. यावेळी श्री सिद्धेश्वर देवस्थान पंचकमिटीचे अध्यक्ष धर्मराज काडादी यांनी त्यांचे स्वागत केले.
