विनोद कामतकर यांचा सन्मान
सोलापूर… दक्षिण सोलापूर तालुक्यातील मंद्रूप येथील दैनिक दिव्य मराठीचे उपसंपादक विनोद कामतकर यांना कै.बाबुरावसा दत्तात्रयसा भुमकर पत्रकारिता पुरस्काराने सन्मानित करण्यात आले. विनोद कामतकर यांनी सोलापूर जिल्हा परिषद व सोलापूर विद्यापीठातील विविध बातम्या व लेखणीच्या माध्यमातून समाजातील समस्याना वाचा फोडली. त्यामुळे त्यांना दयानंद शिक्षण संस्थेचे प्रशासक व माजी प्राचार्य डाॅ. विजयकुमार उबाळे यांच्या हस्ते पुरस्कार देण्यात आला. अध्यक्षस्थानी ट्रस्टचे अध्यक्ष संजीव बिद्री होते. तर प्रमुख अतिथी म्हणून शैक्षणिक संकुलाचे अध्यक्ष राजूसा भुमकर हे उपस्थित होते.
यावेळी ट्रस्टचे सचिव जयकुमारसा कोल्हापुरे, शैक्षणिक संस्थेचे सचिव गजाननसा गोयल, ट्रस्टचे सदस्य सर्वश्री भरतकुमारसा शालगर, गणेशसा दामजी, संजीवसा रंगरेज, शिरीषसा कोल्हापुरे, तुकारामसा पवार यांच्यासह प्रशालेचे मुख्याध्यापक भगवंत उमदीकर, प्राथमिक विभागाच्या मुख्याध्यापिका मंजुषा काशीद, इंग्रजी माध्यमाच्या मुख्याध्यापिका सविता हातवळणे आदी उपस्थित होते.
