सहा महिन्यांपासून नळजोडणी प्रलंबित
मंद्रूप ..
येथील वाॅर्ड क्रमांक ४ मध्ये राहणार्या डाॅ. शुभम डोणगावकर यांनी ग्रामपंचायत कर भरूनही नळ कनेक्शन मिळत नसल्याने ग्रामपंचायत कारभाराला कंटाळून आॅनलाईन तक्रार केली. आॅनलाईन तक्रारीची दखल घेऊन दक्षिण सोलापूर पंचायत समितीचे गटविकास अधिकारी मनोज राऊत यांनी मंद्रूपमध्ये डाॅ. डोणगावकर यांच्या घरी भेट देऊन तक्रार निवारण केले.
डाॅ. शुभम डोणगावकर यांचे कुटुंब वाॅर्ड क्रमांक ४ मध्ये वांगी रस्त्यालगत २५ वर्षांपासून वास्तव्यास आहे. यापूर्वी त्यांनी ग्रामपंचायत नियमित कर भरून नळजोडणी घेतली होती. मात्र नवीन जलवाहीनीला नळ जोडणी देताना ग्रामपंचायत मधील ‘सदस्यांनी’ अंतर्गत विरोध करून कर्मचार्यांना परत पाठवायचे. सहा महिन्यां पासून ग्रामपंचायत प्रशासना कडून नळासाठी खड्डा मारल्यानंतर नळ जोडणी करताना असा प्रकार सुरू होता. वारंवार विनंती व विनवणी करूनही डाॅ. डोणगावकर यांना नळ जोडणी मिळत नव्हते.
वास्तविक पाहता वर्षभरातील आठ ते दहा महिने ते बोअरचे पाणी वापरतात. मात्र ऊन्हाळ्यात बोअरमधील पाणी आटल्याने नळाच्या पाण्याचा वापर करतात. म्हणून रितसर नळजोडणी कर भरूनही ग्रामपंचायत कनेक्शन देत नसल्यामुळे डाॅ. डोणगावकर यांनी वैतागून ग्रामपंचायत प्रशासनाविरोधात आॅनलाईन तक्रार केली होती. या तक्रारीची दखल घेऊन बीडीओ राऊत यांनी नळजोडणीस विरोध करणार्यांवर कारवाई करण्याचे आदेश मंद्रूप ग्रामपंचायतीला दिले. त्यामुळे तक्रारदार डाॅ. डोणगावकर यांनी बीडीओंचे आभार मानले आहे.
मंद्रूप ग्रामपंचायतकडून राजकारण
….
डाॅ. डोणगावकर हे भाजपाचे माजी सरपंच हेमंतकुमार स्वामी यांचे मित्र आहेत. त्यामुळे त्यांनी निवडणूकीत भाजपाला मतदान केल्यामुळे नळजोडणी देताना ग्रामपंचायत कडून राजकारण करण्यात येत असल्याची चर्चा सुरू आहे. नियमित कर भरणार्या नागरीकांना विनाकारण त्रास देणार्या मंद्रूप ग्रामपंचायत प्रशासनाविरोधात नाराजी व्यक्त करण्यात येत आहे.
…__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
