५२ गावांचा कारभार कृषी, शिक्षण, अंगणवाडी अधिकाऱ्यांकडे!
दक्षिण सोलापूर.. मुदत संपलेल्या ग्रामपंचायतींच्या निवडणुका वेळेत न झाल्याने दक्षिण सोलापूर तालुक्यात अखेर “प्रशासक राज” सुरू झाले आहे. तालुक्यातील तब्बल ५२ ग्रामपंचायतींचा कारभार विविध विभागाच्या विस्तार अधिकाऱ्यांकडे सोपवण्यात आला आहे. याबाबतचा आदेश जिल्हा परिषदेचे मुख्य कार्यकारी अधिकारी कुशल जैन यांनी काढला आहे. शासनाच्या निर्देशानुसार, पंचवार्षिक मुदत संपलेल्या आणि यापूर्वी सरपंच प्रशासक असलेल्या तालुक्यातील ५२ ग्रामपंचायतींवर नव्या प्रशासकांची नियुक्ती करण्यात आली आहे.
सरपंच पदाचा कार्यकाल संपल्यानंतर त्यांना सहा महिने मुदतवाढ देण्यात आली होती, ती मुदतही संपल्याने आता पुढील सहा महिने हा कारभार अधिकाऱ्यांकडे राहणार आहे.
विशेष म्हणजे, पंचायत विभागासोबतच शिक्षण, कृषी, सांख्यिकी आणि एकात्मिक बाल विकास सेवा योजनेच्या (अंगणवाडी) विस्तार अधिकाऱ्यांचा यामध्ये समावेश आहे. एका विस्तार अधिकाऱ्याकडे कमीत कमी ५ ते जास्तीत जास्त १० गावांचा कारभार सोपवण्यात आला असून, त्यांच्याकडे पंचायत समितीतील त्यांच्या मूळ विभागाचाही पदभार असणार आहे. त्यामुळे अधिकारी गावाकडे लक्ष देणार तरी कसे ? असा सवाल उपस्थित होत आहे. या निर्णयामुळे गावचा कारभार अधिकाऱ्यांच्या हातात गेला असला तरी, प्रत्यक्षात विकास कामांना ब्रेक लागण्याची भीती ग्रामस्थांमधून व्यक्त होत आहे
दक्षिणच्या ५२ गावांचे कारभारी
१. सदाशिव कोळी (विस्तार अधिकारी, पंचायत) .. औराद, होटगी, होटगी स्टेशन, नांदणी, हत्तरसंग, बोळकवठा, राजूर, भंडारकोवठे, हत्तुर, दिंडूर.
२. ज्योतीराम भोसले (विस्तार अधिकारी, पंचायत) .. मुळेगाव, मुळेगाव तांडा, बक्षीहिपरगे, वडजी, वरळेगाव, कुंभारी, तांदुळवाडी, बोरामणी.
३. एस.आर. राठोड (विस्तार अधिकारी, कृषी) …. फताटेवाडी, शिंगडगाव, मद्रे, घोडा तांडा, सिंदखेड,संजवाड, हिपळे.
४. एस.बी. सोलापूर (विस्तार अधिकारी, कृषी) .. तीर्थ, लिंबीचिंचोळी , बोरुळ, हणमगाव, कणबस, यत्नाळ, इंगळगी.
५. श्रीमती.एम.एस. शिंदे (विस्तार अधिकारी, सांख्यिकी) …वडगाव, मुस्ती, संगदरी, पिंजरवाडी, कर्देहळी.
६. ऋषिकेश जाधव (विस्तार अधिकारी, एकात्मिक बाल विकास सेवा योजना) .. बरुर, टाकळी, वडकबाळ.
७. मल्लिनाथ स्वामी (विस्तार अधिकारी, शिक्षण) – .. माळकोट, कुरघोट, बाळगी, कारकल, लवंगी, सादेपूर.
८. गुरुबाळा सनके (विस्तार अधिकारी, शिक्षण) -.. गुंजेगाव, अकोले (मं.), अंत्रोळी, वडापूर, येळेगाव, तेलगाव .
_______________________
* नवप्रभात न्यूज पोर्टल *
*बातम्या व जाहिरातीसाठी संपर्क करा -*
*संपादक :- अमोगसिद्ध मुंजे*
*मो. 9423535294
