ठेचा भाकरी आंदोलनातून संभाजी ब्रिगेडने दुष्काळाकडे वेधले लक्ष

 मंत्री – आमदारांच्या भूमिकेचा निषेध

सोलापूर ..
सोलापूर जिल्ह्यात दुष्काळ असताना मंत्रालयात मंत्री, आमदार आणि अधिकारी मंत्रालयात सुकामेव्याच्या बैठका घेऊन शेतकऱ्यांच्या जखमेवर मीठ चोळत आहे असा आरोप करीत संभाजी ब्रिगेडने ‘चटणी-भाकरी’ आंदोलन केले. यावेळी शेण आणि पालापाचोळा आणून शासनकर्त्यांच्या भूमिकेचा निषेध करण्यात आला.
शेतकऱ्यांना पाणी, चारा आणि पिकांच्या नुकसानीच्या प्रश्नांना सामोरे जावे लागत असताना शासनाकडून दुष्काळाबाबत ठोस निर्णय घेण्यास विलंब होत आहे. शेतकऱ्यांच्या परिस्थितीची जाणीव सरकारला करून देण्यासाठीच चटणी-भाकरी आंदोलन करण्यात आल्याचे संभाजी ब्रिगेडच्या पदाधिकाऱ्यांनी सांगितले.
यावेळी शाम कदम यांनी राज्य सरकार, मंत्री आणि आमदारांवर टीका केली. दुष्काळग्रस्त परिस्थितीचा गांभीर्याने विचार करून सोलापूर जिल्ह्यात तातडीने दुष्काळ जाहीर करावा, अशी मागणी त्यांनी केली. शेतकऱ्यांच्या अडचणींची चेष्टा न करता त्यांच्या प्रश्नांवर तातडीने उपाययोजना करण्याची गरज असल्याचे कदम यांनी सांगितले.
___________________

* नवप्रभात न्यूज पोर्टल *
*बातम्या व जाहिरातीसाठी संपर्क करा -*
*संपादक :- अमोगसिद्ध मुंजे*
*मो. 9423535294