जिल्हा परिषद व पंचायत समिती निवडणूका १५ फेब्रुवारीपर्यंत घेण्याचे आदेश
सोलापूर… सर्वोच्च न्यायालयाने ३१ जानेवारीपर्यंत स्थानिक स्वराज्य संस्थांच्या निवडणूका घेण्याचे आदेश दिला असताना राज्य निवडणूक आयोगाने दहा फेब्रुवारीपर्यंत मुदतवाढ देण्याची विनंती केली होती. त्यानुसार सोमवारी सर्वोच्च न्यायालयाने १५ फेब्रुवारीपर्यंत निवडणूका घेण्याचे आदेश दिला आहे. त्यामुळे जिल्हा परिषद व पंचायत समिती मेंबर होणार्या इच्छुकांना १५ दिवसांची मुदत मिळाली आहे.
२०१७ मध्ये स्थानिक स्वराज्य संस्थांच्या निवडणूका पार पडल्या होत्या. २०२२ मध्ये जिल्हा परिषद व पंचायत समिती सदस्यांचा कार्यकाळ संपल्यानंतर चार वर्षांपासून प्रशासक कारभार सुरू आहे. त्यामुळे नागरीकांच्या अडचणी सोडविताना अडचणी येत असल्याने सर्वोच्च न्यायालयाने राज्य निवडणूक आयोगाला ३१ जानेवारीपर्यंत निवडणूका घेण्याचे आदेश दिला होता. त्यानुसार महानगर पालिका निवडणूका संपल्यानंतर जिल्हा परिषद व पंचायत समिती निवडणूकांचा बिगूल वाजण्याची शक्यता असताना सोमवारी सर्वोच्च न्यायालयाने निवडणूख आयोगाच्या विनंतीनुसार १५ फेब्रवारीपर्यंत मुदत दिली आहे.
दिवाळीपासुन इच्छुकांकडून मोर्चेबांधणी सुरू आहे. प्रत्येक इच्छुक पक्षाकडून उमेदवारी मिळविण्यासाठी खटाटोप करीत आहे. सर्वच पक्षाकडून इच्छुकांच्या मुलाखती घेण्यात आली आहेत. त्यामुळे ५ जानेवारीपासून आचारसंहिता लागणार असल्याची शक्यता वर्तविण्यात येत होती. मात्र राज्य निवडणूक आयोगाने तांत्रिक कारणामुळे दहा दिवसांची मुदतवाढ मागितल्या नंतर सर्वोच्च न्यायालयाकडून १५ फेब्रुवारीपर्यंत मुदतवाढ देण्यात आली आहे. त्यामुळे निवडणूकांसाठी तयारी करणार्या इच्छुकांवर मतदार व कार्यकर्त्यांचे मर्जी सांभाळण्यासाठी खर्चाचा बोजा पडणार आहे. शिवाय महापालिका निवडणूकांचा निकाल लागल्याने पक्षाचा निर्णय काय असणार ? यावरही भवितव्य अवलंबून असणार आहे. त्यामुळे इच्छुकांची धाकधूक वाढली आहे.
