१६ जानेवारीपासून अर्ज भरण्यास सुरूवात
५ फेब्रुवारीला निवडणुका ७ फेब्रुवारीला मतमोजणी
सोलापूर … आठ वर्षापासून प्रलंबित असणार्या जिल्हा परिषद व पंचायत समितींच्या निवडणूकीचा बिगूल वाजला . मंगळवारी राज्य निवडणूक आयोगाने पत्रकार परिषद घेऊन निवडणुकीचा कार्यक्रम जाहीर केला. १६ जानेवारी पासून निवडणूक कार्यक्रम सुरू होणार असून ५ फेब्रुवारीला मतदान होऊन ७ फेब्रुवारीला निवडणुकीचा निकाल जाहीर होणार असल्याचे निवडणूक आयोगाने स्पष्ट केला आहे . त्यामुळे जिल्हा परिषद व पंचायत समितीसाठी इच्छुक असणाऱ्या उमेदवारांमधून समाधान व्यक्त करण्यात येत आहे.
मार्च २०१७ मध्ये स्थानिक स्वराज्य संस्थांच्या निवडणुका झाल्या होत्या. मार्च २०२२ पासून जिल्हा परिषद व पंचायत समित्यांवर प्रशासक आहे . सोमवारी सर्वोच्च न्यायालयाकडून निवडणूक आयोगाला ३१ जानेवारीची निवडणूक १५ फेब्रुवारीपर्यंत घेण्यासाठी मुदतवाढ देण्यात आली होती. आरक्षण व इतर अनेक कारणामुळे स्थानिक स्वराज्य संस्थांच्या निवडणुका पुढे ढकलण्यात आल्या होत्या. मात्र मंगळवारी राज्य निवडणूक आयोगाने राज्यातील जिल्हा परिषद व पंचायत समिती निवडणुकांचा कार्यक्रम जाहीर करून इच्छुक उमेदवारांना आनंदाची बातमी दिली आहे. त्यामुळे १६ जानेवारीपासून उमेदवारी अर्ज दाखल करण्यास सुरुवात होणार असून ५ फेब्रुवारीला मतदान तर ७ फेब्रुवारीला मतमोजणी करण्यात येणार आहे. त्यामुळे ८ फेब्रुवारीपासून जिल्हा परिषद पंचायत व समितीमध्ये नवीन सदस्य दिसणार आहेत
….
असा असणार निवडणूक कार्यक्रम
….
* १६ ते २१ जानेवारी अर्जस्वीकृती
* २२ जानेवारी अर्ज छाननी
* २७ जानेवारी दुपारी ३ पर्यंत माघार व दुपारी ३ नंतर चिन्ह वाटप आणि उमेदवारी निश्चितीकरण
* मतदान ५ फेब्रुवारी
* मतमोजणी ७ फेब्रुवारी सकाळी १० वाजल्या पासून
