आमदार सुभाष देशमुख यांनी मंजूर केला दहा लाख निधी
सोलापूर.. मंद्रूप येथे दरवर्षी जानेवारी महिन्यात मकरसंक्रांत दरम्यान होणार्या मळसिध्द मंदिराच्या यात्रेसाठी
मलकारसिध्द मंदिरापासून नेहरू चौकापर्यंतच्या रस्त्यावरून देवाच्या पालख्या जातात. म्हणून
दक्षिण सोलापूरचे आमदार सुभाष देशमुख यांनी मंद्रूपमधील वाॅर्ड क्रमांक तीनमधील या
सिमेंट काँक्रेट रस्त्यासाठी दहा लाख रुपये निधी मंजूर केला आहे . त्या सिमेंट काँक्रीट रस्त्याचे उद्घाटन वार्ड क्रमांक तीन मधील ग्रामपंचायत सदस्य व मळसिध्द मंदिराचे पुजारी अमोगसिध्द पुजारी, शिलीसिध्द पुजारी यांच्या हस्ते तर ग्रामपंचायत सदस्य सुरेश मेंडगुदले , भाजपाचे गौरीशंकर मेंडगुदले, माजी सरपंच विश्वनाथ हिरेमठ व सुमित मेंडगुदले यांच्या प्रमुख उपस्थितीत संपन्न झाला .
दरवर्षी १२ ते १६ जानेवारी दरम्यान मंद्रूप येथील श्री मळसिध्द देवाची यात्रा मोठ्या उत्साहात साजरी केली जाते. मलकारसिध्द मंदिरापासून मिरवणूकीस सुरूवात होऊन तैलाभिषेक, होम प्रदीपन व शोभेचे दारूकाम या दिवशी मानाच्या पालख्या जातात. त्यासाठी मलकारसिध्द मंदिरापासून नेहरू चौकापर्यंत भक्तांची मोठी वर्दळ सुरू असते. यापूर्वी या रस्त्यावर खड्यांचे साम्राज्य होते. तसेच रस्त्यावरील दगड व मातीमुळे पालख्या घेऊन जाताना मोठ्या प्रमाणात त्रास होत होते. त्यामुळे मळसिध्द मंदिराच्या पुजारी यांनी गौरीशंकर मेंडगुदले यांच्या माध्यमातून आमदार सुभाष देशमुख यांच्याकडे निधीची मागणी केली होती. आमदार सुभाष देशमुख यांनी मळसिध्द यात्रा सुरळीत पार पडण्यासाठी तात्काळ दहा लाख रूपये निधी मंजूर करून सिमेंट काॅंक्रीट रस्त्याला सुरूवात केल्याने पुजारी व भक्तांमधून समाधान व्यक्त करण्यात येत आहे. यावेळी मोतीलाल राठोड, रामचंद्र वाडकर, सुरेश स्वामी, निलेश हेळकर, सुरेश पाटील, शिवराज कालदे, मळसिध्द पुजारी, दयानंद ख्याडे, बिळेणी सुंटे, सिध्दाराम काळे, शिवानंद लोभे, शिवपुत्र जोडमोटे, सिकंदर आवटे, ,इक्बाल आवटे, सुरेश देशमुख आदी उपस्थित होते.
