इतर मागास बहुजन कल्याण विभागाकडून पुरस्कारासाठी प्रस्ताव पाठविण्याचे आवाहन
सोलापूर :- इतर मागास विकास विभागांतर्गत कार्यरत इतर मागास बहुजन कल्याण संचालनालय, पुणे यांच्या मार्फत शासन निर्णय व शुध्दीपत्रकान्वये विभागांतर्गत स्थापना करण्यात आलेल्या विविध पुरस्कारांसाठी पात्र व इच्छुक व्यक्ती तसेच समाजाच्या उत्थानासाठी उल्लेखनीय कार्य करणाऱ्या संस्थांकडून प्रस्ताव मागविण्यात आले आहेत.सोलापूर जिल्ह्यातील समाजाच्या शैक्षणिक, सामाजिक, सांस्कृतिक व आर्थिक क्षेत्रातील उत्थानासाठी कार्य करणाऱ्या व्यक्ती व संस्थांना खालील पुरस्कारांसाठी प्रस्ताव सादर करता येणार आहेत . तरी इच्छुकांना प्रस्ताव पाठविण्याचे आवाहन इतर मागास बहुजन कल्याण विभागाचे सहायक संचालक गणेश सोनटक्के यांनी केले आहे.
1. महात्मा बसवेश्वर सामाजिक समता शिवा पुरस्कार
2. नटराज पुरस्कार
3. विश्वकर्मा पुरस्कार
4. क्रांतीवीर राजे उमाजी नाईक पुरस्कार
अटी व शर्ती :
– अर्जदार व्यक्ती/संस्था महाराष्ट्र राज्यातील रहिवासी असणे आवश्यक.
– समाजाच्या उत्थानासाठी सलग व उल्लेखनीय कार्य केलेले असावे.
– अर्ज विहित नमुन्यात सादर करणे बंधनकारक असून आवश्यक कागदपत्रे, कार्याचा सविस्तर अहवाल, शिफारस पत्रे व प्रमाणपत्रे जोडणे आवश्यक.
– अपूर्ण अथवा मुदतीनंतर प्राप्त होणारे प्रस्ताव विचारात घेतले जाणार नाहीत.
– अंतिम निर्णय शासन स्तरावर घेण्यात येईल.
प्रस्ताव सादर करण्याची अंतिम तारीख 21 फेब्रुवारी 2026 असून, अर्ज सहायक संचालक, इतर मागास बहुजन कल्याण विभाग, सात रस्ता, डॉ. बाबासाहेब आंबेडकर भवन, चौथा मजला, सोलापूर येथे कार्यालयीन वेळेत सादर करावेत. अर्जाचा नमुना व अधिक माहिती संबंधित कार्यालयात उपलब्ध आहे.
पात्र व इच्छुक व्यक्ती व संस्थांनी विहित मुदतीत प्रस्ताव सादर करावेत, असे आवाहन इतर मागास बहुजन कल्याण विभागाचे सहायक संचालक गणेश सोनटक्के यांनी केले आहे.
