दहावी मराठी पेपरला १२४९ विद्यार्थ्यांची दांडी
सोलापूर…
आज २० फेब्रुवारीपासून राज्य शालांत दहावी परीक्षा सुरू झाले आहेत. शासनाने काॅपीमुक्त अभियान राबवून सीसीटीव्ही, सरमिसळ विद्यार्थी बैठक व्यवस्था व ड्रोनद्वारे परीक्षा केंद्रावर निरीक्षण यामुळे काॅपीला आळा बसला आहे. मात्र मंगळवेढा तालुक्यातील नंदेश्वर परीक्षा केंद्रावर दहा तोतया परीक्षार्थी आढळून आल्याने त्यांच्यावर गुन्हा दाखल करण्यात आला आहे. पर्यवेक्षक व केंद्रसंचालक यांच्या हाॅल तिकीट तपासणीमुळे तोतया परीक्षार्थी असल्याचे दिसून आले. दहा वर्गखोल्यांमध्ये प्रत्येकी एक याप्रमाणे एक एक बोगस तोतया विद्यार्थी परीक्षेला बसले होते. शिक्षणाधिकारी सचिन जगताप यांनी तोतया परीक्षार्थींवर कारवाई करण्याचे आदेश दिले आहेत. दहावीच्या मराठी पेपरला १२४९ परीक्षार्थींनी दांडी मारली .
शुक्रवार २० फेब्रुवारीपासून दहावी परीक्षेला सुरूवात झाली असून सर्वच केंद्रावर काॅपीमुक्त परीक्षा पार पडल्याचे प्रशासनाकडून सांगण्यात आले. दोन वर्षापासून शासनाकडून काॅपीवर नियंत्रण मिळविण्यासाठी परीक्षा केंद्रात सीसीटीव्ही, परीक्षा केंद्र परीसरात ड्रोनद्वारे पाहणी, विद्यार्थी यांची सरमिसळ बैठक व्यवस्था यासह बैठे भरारी पथक व दक्षता पथकाद्वारे काॅपीप्रकार आढळून आले नाही. मराठी विषयाचा पेपर असतानाही जिल्ह्यातील १५ परीक्षा केंदांवर १२४९ परीक्षार्थी गैरहजर राहीले आहेत.
जिल्हाधिकारी कुमार आशीर्वाद, जिल्हा परिषदेचे मुख्य कार्यकारी अधिकारी कुलदीप जंगम व माध्यमिक शिक्षणाधिकारी सचिन जगताप यांच्याकडून परीक्षेतील काॅपी प्रकार बंद करण्यासाठी विविध उपाययोजना करण्यात आले आहेत. यामुळे हुशार व गुणवान विद्यार्थ्यांमधून समाधान व्यक्त करण्यात येत आहे.
__________________________________
*🛑नवभारत न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
