महिन्यानंतरही सिईओ व शिक्षणाधिकारी
यांच्याकडून कारवाई नाही
सोलापूर…
अक्कलकोट गटशिक्षण अधिकार्याविरोधात तक्रार करूनही जिल्हा परिषदेचे मुख्य कार्यकारी अधिकारी कुलदीप जंगम व शिक्षण अधिकारी कादर शेख यांच्याकडून टाळाटाळ होत आहे. त्याविरोधात एक महिन्यांपासून जिल्हा परिषदेसमोर आंदोलन करणारे मागासवर्गीय शिक्षक संघटनेचे अध्यक्ष महांतेश्वर कट्टीमनी यांनी सिईओ व शिक्षणाधिकारी विरोधात अर्धनग्न आंदोलन सुरू केला आहे. प्रशासनाकडून न्याय मिळत नसल्याने शिक्षकांना रस्त्यावर अर्धनग्न आंदोलन करण्याची वेळ आल्याने आल्याने जिल्हा परिषद प्रशासनाविरोधात संताप व्यक्त करण्यात येत आहे.
अक्कलकोटचे गटशिक्षण अधिकारी प्रशांत अरबाळे यांनी विभागीय आयुक्तांचे अधिकार वापरून शिक्षकांची बदली केली आहे. त्याविरोधात तक्रार केल्यावर अनेक शिक्षकांवर कारवाई करण्यात आली आहे. याबाबत जिल्हा परिषदेचे मुख्य कार्यकारी अधिकारी कुलदीप जंगम व प्राथमिक शिक्षणाधिकारी कादर यांच्याकडे चौकशी अहवाल येऊनही गटशिक्षण अधिकारी अरबाळे यांच्यावर कारवाई होत नसल्याने महांतेश्वर कट्टीमनी यांनी बुधवार २५ मार्चपासून सिईओ व शिक्षण अधिकारीविरोधात अर्धनग्न आंदोलन सुरू केला आहे. एक महिन्यापासून सुरू असलेल्या उपोषणाची प्रशासनाकडून दखल न घेतल्याने कट्टीमनी यांनी अर्धनग्न आंदोलन सुरू केला असून ३० मार्चनंतर पूर्ण नग्न आंदोलन करणार असल्याचे कट्टीमनी यांनी सांगितले.
….
झेडपीचे सीईओ जंगम यांच्या पारदर्शक कारभाराचा सर्वत्र वाहवा होत आहे. मात्र सीईओ मागासवर्गीय शिक्षक संघटनेचे अध्यक्ष कट्टीमनी यांच्या मागणीकडे दुर्लक्ष करीत असल्याने त्यांच्या पारदर्शक कारभारावर सवाल उपस्थित करण्यात येत आहे. म्हणून झेडपीचे अध्यक्ष दिपक वैद्य व उपाध्यक्ष इंद्रजित पवार यांनी कारवाई करून कट्टीमनी यांना न्याय देण्याची गरज आहे.
…
__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
