भाजपाच्या दक्षिणमधील कार्यकर्त्यांना विशेष कार्यकारी अधिकारीचा दर्जा
सोलापूर…
दक्षिण सोलापूर तालुक्याचे आमदार सुभाष देशमुख यांनी दक्षिण मतदारसंघातील भाजपाच्या ६० कार्यकर्त्यांची विशेष कार्यकारी अधिकारी म्हणून निवड करून कार्यकर्त्यांना संधी दिली आहे.
जिल्हाधिकारी कार्यालयाकडून विशेष कार्यकारी अधिकारी म्हणून निवड झालेल्या कार्यकर्त्यांची यादी प्रसिध्द करण्यात आली आहे. यामध्ये आमदार सुभाष देशमुख यांच्या ६० कार्यकर्त्यांची वर्णी लागल्याचे दिसून येते.
दक्षिणमधील भाजपाच्या कार्यकर्त्यांना विशेष कार्यकारी अधिकारी म्हणून संधी देऊन आमदार देशमुख यांनी त्यांचा दर्जा वाढविला आहे.
मंद्रूप, भंडारकवठे यासह मोठ्या गावातील सहा ते सात कार्यकर्त्यांची विशेष कार्यकारी अधिकारी म्हणून निवड करण्यात आली आहे.
यामुळे या कार्यकर्त्यांना अनेक ठिकाणी सही व शिक्का करण्याची संधी मिळणार आहे. आमदार सुभाष देशमुख व श्री सिध्देश्वर बाजार समितीचे संचालक मनिष देशमुख यांनी कार्यकर्त्यांना संधी उपलब्ध करून दिल्याने कार्यकर्त्यांमधून समाधान व्यक्त करण्यात येत आहे. 
__________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
