लवकरच नवीन कार्यकारीणी जाहीर होणार
सोलापूर : कोल्हापूरचे खासदार धैर्यशील माने यांच्याकडे शिवसेना एकनाथ शिंदे पक्षाच्या वतीने नव्या संपर्कप्रमुखांची जबाबदारी देण्यात आली आहे . शिवसेनेचे खासदार श्रीकांत शिंदे यांच्या उपस्थितीत सोलापुरात सोमवारी पदाधिकारी कार्यकर्त्यांचा मेळावा झाला. या मेळाव्यानंतर खासदार धैर्यशील माने आणि खासदार ज्योती वाघमारे यांच्या उपस्थिती सोलापूरच्या प्रमुख पदाधिकाऱ्यांची बैठक झाली. दुपारी झालेला मेळावा आणि सायंकाळी झालेली बैठक झाल्यानंतर सोलापूर शहर तसेच जिल्ह्यातील संपूर्ण कार्यकारिणी बरखास्त करण्यात आले. लवकरच सर्व विभागीय संपर्कप्रमुख, सहसंपर्कप्रमुख आणि लोकसभा संपर्कप्रमुखांच्या उपस्थितीत मुलाखती घेऊन शाखाप्रमुख ते जिल्हाप्रमुख शिवसेना, युवासेना, महिला आघाडी आणि अंगीकृत संघटना पदाधिकारी नेमणुका हे संपर्कप्रमुखाचा अहवाल आल्यानंतर शिवसेना मुख्य नेते व उपमुख्यमंत्री एकनाथजी शिंदे यांच्या आदेशाने करण्यात येणार असल्याचे सांगण्यात येत आहे .
जुनी कार्यकारीणी बरखास्त करण्यात आल्याने उपमुख्यमंत्री एकनाथ शिंदे यांच्या सूचनेनुसार लवकरच सोलापूर शहर व जिल्ह्याला नवे शिलेदार मिळणार आहेत. त्यामुळे जुन्या पदाधिकार्यांमध्ये नाराजी असून इच्छुकांमध्ये ऊत्साह दिसून येत आहे.
_________________________________
*🛑नवप्रभात न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
