जावयाकडून आत्महत्या करण्याचा प्रयत्न
सोलापूर…
दक्षिण सोलापूर तालुक्यातील इंगळगी येथे शेतात जावयाने सासऱ्यावर प्राणघातक हल्ला केला. धारदार चाकूने वार करत त्यांची हत्या केली. त्यानंतर जावईने स्वतः आत्महत्या करण्याचा प्रयत्न केला. सोलापुरातील रुग्णालयात जावयावर उपचार सुरू आहेत. सिकंदर मुलका शेख वय ५५ असे खून झालेल्या व्यक्तीचे नाव आहे. सादिक सैफन दफेदार वय ३५ असे आरोपी जावयाचे नाव आहे. याप्रकरणी वळसंग पोलीस ठाण्यात गुन्हा दाखल करण्यात आला आहे.
मयत सिकंदर शेख यांचा मुलगा आणि मुलगी पोलीस खात्यात कार्यरत आहेत. सासरा व जावई यांच्यामध्ये ऊसाच्या शेतात वाद झाला.वाद विकोपाला गेल्यानंतर जावयाने चाकूने सासर्यावर सपासप वार केला. या घटनेत सासर्याचा जागीच मृत्यू झाला. त्यानंतर आरोपीने स्वतःवरही वार करून घेतल्याची घटना घडली आहे. जखमी अवस्थेत त्याला उपचारासाठी सोलापूर येथील शासकीय रुग्णालय येथे दाखल करण्यात आले असून त्याच्यावर उपचार सुरू आहेत.
घटनेची माहिती मिळताच वळसंग पोलीस ठाण्याचे वरिष्ठ पोलीस अधिकारी तात्काळ घटनास्थळी दाखल झाले असून पोलीस तपास करीत आहेत.
__________________________________
*🛑नवभारत न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
*🛑नवभारत न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
