ब्रेकिंग :
२० मार्चपूर्वी सोलापूर झेडपी–पंचायत समित्यांच्या पहिल्या बैठका अनिवार्य
सोलापूर…
सोलापूर जिल्हा परिषद आणि जिल्ह्यातील सर्व पंचायत समित्यांच्या पहिल्या बैठका २० मार्च २०२६ पूर्वी घेणे बंधनकारक करण्यात आले आहे. राज्य शासनाच्या ग्रामविकास विभागाने याबाबत जिल्हाधिकाऱ्यांना स्पष्ट आदेश दिले आहेत. नुकत्याच पार पडलेल्या निवडणुकांनंतर आता अध्यक्ष, उपाध्यक्ष तसेच सभापती-उपसभापती यांची निवड करण्यासाठी या बैठका घेण्यात येणार आहेत. निवडून आलेल्या सदस्यांचा कार्यकाळ हा पहिल्या बैठकीपासून सुरू होतो. त्यामुळे बैठक वेळेत घेणे आवश्यक आहे.
सोलापूरमध्ये राजकीय हालचालींना वेग
या निर्णयामुळे सोलापूर जिल्हा परिषदेत अध्यक्षपदासाठी इच्छुक गटांनी हालचाली सुरू केल्या आहेत. पंचायत समित्यांमध्येही सभापती पदासाठी जोरदार चुरस पाहायला मिळणार आहे. पुढील काही दिवसांत जिल्ह्यातील राजकीय समीकरणे अधिक स्पष्ट होण्याची शक्यता आहे.
राज्य शासनाच्या आदेशानंतर आता सर्वांचे लक्ष सोलापूर जिल्हा परिषद व पंचायत समित्यांच्या पहिल्या बैठकीकडे लागले आहे.
__________________________________
*🛑नवभारत न्युज पोर्टल ला बातम्या व जाहिरातीसाठी संपर्क करा*
*संपादक :- अमोगसिद्ध मुंजे*
*9423535294*
